Tag

شوفوا بقى يا جماعة التاج ده نسائي

يعني على الستات ياسلام سلم

وطبعا لازم أجاوب عليه

---------------------------------

هل كنت طالب شاطر فى المدرسة؟

الحمد لله

ايه كانت احب مادة و اكره مادة ليك فى المدرسة و الكلية؟

في المدرسه الرياضه كانت عشقي الأول والأخير

وأكتر ماده كنت بكرهها الدراسات لأنها كلها حفظ

الكلية كنت بحب مواد

Control --- Logic --- Database-- Math

وكرهت

Data structure -- Operating System

كنت عايز تتطلع ايه وأنت صغير ؟

مهندسة ديكور ولما كبرت دخلت هندسة

بس بقيت مهندسة كهرباء

دائما ما تطالب المرأة بالحصول على حريتها فما مفهوم الحرية عند المرأة؟

الحرية بالنسبه ليا هيه اني أعمل الحاجه اللي بحبها طالما مش بضر حد ولا هي غلط ولا هي حرام

متى احسست بنفسك"خائنة"؟

الحمد لله محصلش أني خنت حد

هل يمكن ان تحب المرأة رجلين في نفس الوقت؟

مستحيل

إذا كانت بتحب بصدق

إذا خذلك لعديد من المرات، هل ستستمرين معه في علاقة مستقرة؟

هحاول ولو مالقيتش فايده هنهي العلاقة فورا

ماذا ترتدين فى أول لقاء لكِ مع حبيبكِ بالوصف التفصيلي؟

إذا حصل ولو إنه مش هيحصل

كلاسيك

يعني جيب وبلوزه

وتكون ألوان هادية

ما هى أول فكرة ترد الى ذهنك فى اللحظات ا لأولى بعد دخولك "المحظور"...لا توجد خيارات للإجابة؟

ايه المحظور ده
مش فاهمة حاجة

سؤال بالعربية الفصحى الى العربية الفصحى، أيعقل أن تكون هيفا وهبي المرأة العربيةمن المحيط إلى الخليج، ماذا يمكن أن تفعلن لتغيير هذه الصورة، و كيف بامكاننا أن نساعدكن ؟
ما تتفرجوش عليهم

هو احنا وحشين

إذا عجبك شاب، بتجربي تلفتيلو انتباهو، كيف؟

لا مش بجرب

إذا عجبك شاب وما بادلك الاعجاب، شو بتعملي؟

ولا حاجه

في مرشد بيقول انو البنت بترغب الشاب طالما انو بيشكل تحدي , شو رأيك؟
الله أعلم

هيفاء وهبي، شادية، وفاتن حمامة: مع من تتماهين أكثر؟ بصراحة ومن دون مثاليات)؟

فاتن حمامه

.انتقي شخصية رجالية معروفة تتمتع بالكاريزما (برأيك) وتكلمي عنها ؟

رشدي أباظه

ياسلام عليه بجد شخصيه جميله بيعرف إذاي يتعامل مع الأنثى ويحسسها بنفسها

مش ذي رجالة اليومين دول

مع الأعتذار

لماذا تنفخ المرأة في كل الزبادي كلما لسعتها الشوربة؟

أصل لسعة الشوربة صعبه أوي

هل صحيح أن المرأة تختار الشخص غير المناسب في فترة المراهقة والشباب ثم تندب؟
مش عارفه

ما هو أسوأ موعد غرامي مر بك؟ وما هو أكثر جزء ضايقك في هذا الموعد؟

محصلش

لماذا تدعي اغلب النساء انهن لا يجدن الطبخ؟

هجاوب ذي إجابة أيموس اللي بعتالي التاج

عشان يبقوا فى السيف سايد عشان لو قالت بتطبخ و الاكل طلع وحش بعد كدة محدش هيرحمها

ولو قالت مش بتعرف وطلع الأكل حلو يا سلام سلم بقى هيتبسطوا منها أوي

ذكرى وظروف أول قبلة ؟
ايه الأسئله دي

والله ماحصل

هل تقبلين بأستمرار العلاقة التي تربطك بشخص (زوج أو عشيق في حال مات الحب بينكما؟؟

طبعا أقبل لأن صعب أوي أسيب حياتي اللي كونتها عشان خاطر الحب مات

بالذات لو في أطفال حرام مش ذنبهم ان أبوهم وأمهم مات الحب بينهم

لكن ممكن أحاول أصلح ما أفسده الموت

هل يستحق الرجل التضحية بكل شيء من اجله والبدء معه بحياة جديدة تبدأين فيها من الصفر؟؟

بصراحه شديده

لأ

هل تسعد عندما يمرر لك احدهم تاج؟

لما تكون الأسئله مستفزة بس

هل مقدار سعادتك أو شعورك ايا كان عند تمرير التاج لك يختلف حسب المدون؟

لأ

هل تستمتع عند إجابتك عن أسئلة التاج؟
بعض الأسئلة فقط

هل ترى للتاج أهمية حقيقية؟

لأ

هل فكرت في عمل تاج خاص لك من قبل؟
لأ
هل تفضل قراءة اجوبة التاج عند المدونين الاخرين؟ أم لا تهتم سوى بالتدوينات الأخرى فقط؟

أحيانا

عندما ترد على التاج ما الذي تراعيه اكثر؟
اني أجاوب إجابات حقيقية بقدر الإمكان

وإلا أهرب من الإجابه
هل تحرص على قراءة اجابات من تمرر لهم التاج ؟

أكيد
و هل تغير إجابتهم للتاج شيئا في ادراكك لهم؟

لأ
هل تلتزم حرفيا بأسئلة التاج؟

إلى حد ما

ما هي نوعية التاجات التي تفضلها؟

معرفش أنواعهم أصلا
إلى من تحرص على تمرير التاج؟

للي يحب يجاوب
تمرر التاج ده لمين؟

بردوه للي يحب يجاوب

الجواب المفحم

مرت امرأة فائقة الجمال برجل فقير بل معدم

فنظر إليها وقلبه ينفطر شغفا بجمالها، ثم تقدم منها ودار بينهما الحوار الآتي

الرجل: وزيّناها للناظرين

المرأة: وحفظناها من كل شيطان رجيم

الرجل: بل هي فتنة ولكن أكثرهم لا يعلمون
المرأة: واتقوا فتنة لا تصيبن الذين ظلموا منكم خاصة واعلموا أن الله شديد العقاب

الرجل: نريد أن نأكل منها وتطمئن قلوبنا

المرأة: لن تنالوا البرّ حتى تنفقوا مما تحبون

الرجل: وإن كان ذو عسرة
المرأة: حتى يغنيهم الله من فضله

الرجل: والذين لا يجدون ما ينفقون

المرأة: أولئك عنها مبعدون

عندها احمر وجه الرجل غيظا وقال

ألا لعنة الله على نساء الأرض أجمعين

فأجابته المرأة : للذكر مثل حظ الأنثيين

يا حلم عمري

البوست اللي فات كان بيتكلم عن رجل الأحلام بالنسبة للمرأة

البوست ده بقى بيتكلم عن فتاة الأحلام بالنسبة للرجل

خلينا مع الكلام ويارب يعجبكم

----------------------------------

يا حلم عمري

يسعدني أن تشعريني بأني أهم رجل في العالم بالنسبة لكي

شوقي أن أجد لديك في كل وقت دفئا وحنانا وتفهما

إيجابيتك وإقبالك على الحياة أكبر حافز لي

إبتسامتك وتفاؤلك أهم مصدر لتشجيعي

يلذ لي أن أراكي تعتمدين علي وأفرح في الوقت نفسه عندما تبهريني بتحمل المسئولية

أريدك طموحه وقنوعه

أحلمي معي ولكن لا تتركيني وحدي عندما ننزل إلى أرض الواقع

أغتنمي كل فرصة لتضحكي معي

تفنني في التعبير عن حبك لي وسعادتك معي

أهتمي بأناقتك ورشاقتك لأجلي

تفهمي آلامي وضغوط يومي وحرصي على أن أوفر لكي حياة كريمة

تذكري أنني لا أحب أن تقارنيني بأبيك أو أخيك أو بزوج صديقتك

يطرب قلبي أن تفتخري بي أمام كل الدنيا

لا تتوقعي مني - مهما إجتهدت - أن أنجح في أن أقرأ أفكارك في كل مره ساعديني بالتعبير بالكلمات الواضحه عن كل ما تقصدين أو تتمنين

أحفظي سري

أصغي إلي وشاركيني مشاعري وتفهمي صمتي

هناك أمور لا تعجبك في شخصيتي ساعديني بلطف على تغييرها دون أن تتقمصي ( دور أبلة الناظرة ) وتتحكمي مثلها

ثقتك في نفسك ثروتي ثقتي فيك تاجي

نعم أحبك وأهتم بكي لكني مستغرق الأن في أمر ما يشغل ذهني فتخيري توقيتا أفضل وبخاصة إذا كان ما تودين الحديث بشأنه يحتمل الإنتظار

وأخيرا أود أن تعلمي أنه مهما دارت الأيام وأمتدت السنون فلم أكن لأختار سواك وحدك لتشاركيني رحلة حياتي
لأنك أنتي نعم الحبيبة ونعم الرفيق

يا رجل أحلامي

البوست ده بيعبر إيه اللي عايزاه الفتاة من فتى أحلامها زوج المستقبل

البوست الجاي هقولكم ايه اللي عاوزه الرجل من فتاة أحلامه زوجة المستقبل

الكلام ده مش أنا اللي كتبته ده من مجلة

مش فاكرة إسمها

لكن الكلام اللي فيها قيم جدا

..................................................................................

يا رجل أحلامي

أريدك وسيما نعم أريدك وسيما في سلوكك وتعاملاتك

أريدك قويا تحتويني وتسندني وتدافع عني وتشعرني بالأمان

أريدك حبيبا يتأنى علي يرفق بي يغفر لي

أحتاج حنانك الذي يجفف دمعي ويهدئ نفسي

يسعدني أن تقدرني كإمرأة وتؤمن بدوري في الحياة وتشجعني على النجاح

يبهجني أن تحترم رأيي وتثق في ذكائي

وتحاول أن تنظر للأمور من وجهة نظري

سعادتي أن تكون صديقي وتجد متعة في الحديث معي

أبتكر في التعبير لي عن حبك كل يوم

أقبلني بعيوبي ونقاط ضعفي وساعدني على التغير نحو الأفضل دائما

قدني بهدوء إلى حيث تنمو شخصيتي

يسعدني أن تفخر بي أمام الناس

الرجولة في نظري قلب طيب وشعور بالمسئولية

أنا ككل إمرأة أعشق التفصيلات وأهتم بصغائر الأمور ولا أقصد أبدا إزعاجك

إحتملني أصبر علي كن لطيفا معي

إجعلني أشعر إنني الأجمل في عينيك دائما

شجعني على أن أتحدث إليك بمكنون نفسي دون أن أخشى غضبك أو أخاف رد فعلك

أحتضن كلماتي بأذنيك همساتي بعينيك عندما ألجأ إليك لمجرد الفضفضة التي تريح قلبي

أما سر سعادتي فسيظل دائما في جما إخلاصك لي وروعة إلتزامك نحوي

وأخيرا أود أن أعلنها وأمام كل الدنيا

أنك فرحتي وهدية السماء لي

لا تعليق

تورتة الزفاف

هو ده اللي هيحصل بعد كده

اصورة دي فكرتني بحكاية واحده صحبتي

فعلا كان ناقص إنها تشد حبيبها من ....... ذي الصورة كده

وتأخده على المأذون

جاتنا نيلة في حظنا الهباب

ركز في الصلاة

استغفـر الله العظيـم

إستووا.. إعتدلوا.. إستقيموا يرحمكم الله
الله أكبر..

أحمد ركز بأه في الصلاة وبلاش تسرح، طيب

هو الراجل اللي جنبي ده صوابع رجليه عاملة كده ليه؟

صباعه الكبير ده كبير

آه بمناسبة الصوابع هي صوابع زينب دي اللي هيا إيه؟

بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه

الله أكبر

أحمد ركز يا أحمد، طيب ماأنا مركز

مركز إيه طيب إنت قريت سورة إيه؟

أنا قريت سورة اللهب شفت بأه أنا مركز إزاي؟

لألأ دي كانت سورة الفيل

سمع الله لمن حمده

ربنا ولك الحمد، أنا

بس مش عارف أفطر إيه النهاردة؟

آه المطعم الجديد اللي كانوا بيتكلموا عنه

بيقولوا عليه أكله حلو، بس هو في شارع إيه؟

لما أخلّص الصلاة أتصل بالتليفون أعرف العنوان
الله أكبر

هيا الساعة كام دلوقتي؟

زمانها أربعة وخمسة، على فكرة هيا الساعة التانية الجلد كنت حطيتها فين؟

ياإما في الدرج ياإما في

دولاب ايه بس يا أحمد ركز ياأحمد إنت

أستغفر الله

الله اكبر

أهوه أنا مركز أهوه، إنظر لمكان السجود وركز في الأيات اللي بيقولها الإمام
الله أكبر

الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ شفت أهوه إنت رجعت تسرح تاني

الله أكبر

هو إحنا في الركعة الكام؟

يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد
الله أكبر

أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم
الله أكبر

السجادة دي مريحة ولونها حلو، هيا سجادة ولا

لاموكيت بنسيج

آه على فكرة إبقى إفتكر تكنس السجادة اللي في البيت بالمكنسة

بس لازم أنضف كيس المكنسة عشان بقالي مده مانضفتوش
الله أكبر

الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا

أستغفر الله
الله أكبر

فيه صوت موبايل، الناس دي ليه مش بتقفل الموبايل ساعة الصلاة مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل

الله أكبر

الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك
السلام عليكم ورحمة الله

السلام عليكم ورحمة الله
إيه هيا الصلاة خلصت ؟
السلام عليكم ورحمة الله
السلام عليكم ورحمة الله

أستغفر الله العظيم
لا اله الا الله الحليم الكريم

لا اله الا الله العلى العظيم

لا اله الا الله رب السماوات السبع ورب العرش العظيم

إلـــــــــــــــــهي لا تغضب علي فلست أقوى على غضبك

و لا تسخط علي فلست أقوم لسخطك

أطول رجل في العالم

بمناسبة أعياد الربيع إليكم هذا الخبر السريع

"باو تشيشون" 2.36متر وعروسة "تشيا"1.68متر

المدار العربي - قالت وسائل اعلام صينية

ان أطول رجل في العالم والذي بحث عن زوجة في ارجاء الارض انتهى به المطاف الى الزواج من امرأة في نصف عمره تقريبا من مسقط رأسه وذكرت صحيفة "بكين نيوز" أن باو تشيشون (56 عاما) وهو راعى ماشية طوله 36.2

متر والذي سجلته موسوعة جينيس للارقام القياسية العالمية كأطول رجل في العالم على قيد الحياة تزوج من بائعة صينية عمرها 29 عاما وذكرت الصحيفة بعد ان أرسل اعلانات للزواج في انحاء العالم وقيامه بعملية اختيار طويلة تكللت أخيرا جهوده بالنجاح وعروسه "تشيا" شوجوان طولها1.68 متر فقط من شيفنج في منغوليا الداخلية مسقط رأس باو

ووفقا لموسوعة جينيس فان باو وصل الي هذا الطول في طفرة نمو مفاجئة على مدى سبعة اعوام بدأت في مرحلة المراهقة ولم يتمكن الاطباء من تفسيرها حتى الان وبعد انتهاء خدمته في الجيش حيث جند في فريق لكرة السلة عاد الى منغوليا الداخلية حيث عمل في مجال الدعاية والاعلان الى جانب رعي الماشية وهي حرفته الاصلية

tag

اسم مدونتك؟

فوضى الحواس

لماذا أخترته ..... ماذا تقصد به؟

هوه ف الأصل أسم رواية وعجبني الإسم أوي وحسيت أنه بيعبر عني

هل فكرت في إغلاق المدونة ..... والسبب؟

لا ماحصلش

صورتك ف المدونة، رمزيتها؟

ايوه رمزية وهيه صورة بنت رافعه إيديها اليمين وده دليل على إنها معترضة

طبيعة كتابتك في المدونة بشكل عام سياسة .... قصة ...... كلام فاضي

مدونتي فيها كل حاجه اللي بحس أنه بيأثر فيا سواء حاجه قرأتها وحسيتها أو مريت بيها بكتبها

لماذا تدون أصلاً؟

عندي وقت فراغ

أحلى جملة قيلت لك في وصف مدونتك؟

ناس كتير بتعلق على مدونتي وبيحسوا إنهم بيرتاحوا لما بيقرأوها الحمد لله

التعليقات بالنسبة أهميتها؟

بحس بتفاعل الناس معايا وده شيء بيسعدني وبيحفزني أكتب أكتر

أحلى بوست كتبته ضع اللينك ثم اذكر لماذا؟

أنا بعتبر إن كل البوسات اللي كتبتها في رأيي لكل بوست لوحده مذاق خاص وإحساس مختلف

أفضل مدونة قرأتها يمكن اختيار عدة مدونات؟

أفضل مدونة قرأتها وبتعجبني بضيفها عندي في قائمة مدونات صديقة

أفضل بوست قرأته يمكن اختيار أكثر من بوست؟

أفضل بوست أكيد موجود في أفضل مدونة اللي هما في مدونات صديقة

هل خسرت صديق بسبب كتابة هنا؟

الحمد لله لأ أنا بكسب أصدقاء جدد وده شيء بيسعدني

حد قل أدبه فى التعليق إيه رد فعلك؟

الحمد لله ما حصلش وإن حصل هلغي التعليق بتاعه وكأن شيئا لم يكن

أسوأ مدونة؟

أكيد أسوأ مدونة هيه اللي أفكارها مسممة أو هايفه وده طبعا بيبان مع أول نظرة على المدونة

أسوأ بوست؟

أسوأ بوست أكيد لأسوأ مدونة

أسوأ مدون؟

أسوأ مدون هوه أكيد اللي بيكتب في أسوأ مدونة

مـــــــــــــــــــــــــــريم

كنت إمبارح في فرح واحده قريبتي وفي وسط الدوشه بتاعت الفرح وأغاني الدي جي اللي خرمتلي طبلة الأذن

لقيت نونو صغيرة بنوته ذي اللي ف الصورة دي بسم الله ماشاء الله جايه عليا وفاتحه إيدها ليا وكأنها جايه تحضني

بصراحه الموقف كان مفاجئ جدا ليا ولقيت نفسي بأخدها في حضني وبقولها تعالي يا حبيبتي ولقيتها بتبصلي وتبتسم بجد نستني الدنيا اللي حواليا وقعدتها على رجلي وقعدت أدلع فيها وبعدين مقدرتش أشيلها كتير كنت وأضطريت أقوم أقف جمب العروسه شويه عشان شكلي ما يبقاش وحش وأديت الطفله لماما لقيتها نامت كده على كتف ماما بس نايمه صاحيه أنتوا عارفين اللي في حاله سرحان وشرود كانت نظرتها حلوه أوي ذي الصوره دي

ورجعت قعدت تاني وأخدت الطفله من ماما وقعدتها على رجلي وفضلت ألاعبها لحد ما لقيتها فجأة نزلت من على رجلي بشكل غريب مش عارفه ايه اللي حصل

كانت جعانه وفي بنوته صغيره قاعده قريب مننا وبتأكل جلاش

والنونو اللي كانت معايا اللي عرفت بعدين إن اسمها مريم لقيتها واقفه جمب البنت دي وبتبصلها وبتبص للأكل فهمت إنها جعانه قلتلها انتي جعانه يا قمر طيب وقعدتها على رجلي وأكلتها من الجلاش بتاع البنت التانيه وفضلت أضحك طول الوقت على الموقف الظريف ده لحد ما ماتها جات تدور عليها مريم مريم إنتي فين قلتلها هيه إسمها مريم الله ربنا يخليهالك ويحميها بسم الله ماشاء الله عليها ومامتها قالتلي أصلها عشريه أوي قلتلها انا لقيتها جايلي لوحدها كده ومامتها بتأخدها عشان تروح جايه أبوسها لقيتها مخصماني وما رضيتش تبوسني قلت لمامتها شوفتي زعلت مني عشان أديتهالك بسرعه ومامتمسكتش بيها قالتلي آه المفروض كنتي تعزمي عليها بقلب جامد مش عزومة مراكبيه

وفضلنا نضحك انا ومامتها وبوستها وقولتلها باي يا مريم وضحكتلي ومامتها خدتها ومشيوا

وروحت البيت مبسوطه أوي إني شوفت مريم

تاج تالت

التاج ده من عند ريمو عباره عن سؤال واحد ورغم إني خلاص تعبت من التاجات لكن هرد عشان ماأزعلهاش

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها؟؟؟؟؟؟

بالنسبة لموضوع الهوايات دي ف أنا عندي هوايات كتير جدااااااااااا من صغري أحب هوايه وأسيبها وأكتشف هوايه غيرها وهكذا

أول هواية أكتشفتها عندي كانت الغنا وكنت ف خمسه إبتدائي وكان صوتي حلو بس كنت بتكسف أوي لدرجه لما كان المدرسين يطلبوا حد يطلع يغني أدام الفصل كان كل صحباتي يرشحوني وأطلع وأتكسف أغني أقوم أدخل تاني بسرعه وكنت بشترك في حفلات المدرسه ومره كنت مشتركه في حفله بس أخترت دور الإستعراض كنا بنعمل حركات رياضيه عبيطه كده

وكنا خلاص عملنا البروفات بتاعت الحفله اللي هنقدمها وحفظت دوري وكل حاجه ويم الحفله تعبت جدا وما روحتش المدرسه وزعلت أوي كان نفسي أحضر الحفله ومن يومها وأنا اعتزلت الغنا والاستعراضات ( فنانه معتزله بقى يا جماعه ) ومحدش يتريق عليا إيه يعني كنت بتكسف

الهوايه التانيه بقى ودي كانت ف الإعداديه كانت الرسم ودي ماما أكتشفتها عندي وشجعتني عليها وكنت بحب أرسم أوي أوراق الشجر بحب الطبيعه أوي وفي مره كنت ف إمتحان أولى إعدادي وطلبوا مننا نرسم الغيطان والفلاحين وهما في حياتهم اليوميه

رسمت وطلع رسمي حلو أوي معرفش إذاي ويومها من غير ما المراقبين يأخدوا بالهم رفعت الرسمه بتاعتي لفوق وفرجتها لواحده جمبي أتبسطت أوي وقالتلي الله ساعتها فرحت بنفسي حسيت إني عملت حاجه

حتى لحد دلوقتي لما أجي أسرح كده بخيالي تلاقيني أرسم عيون حزينه وانا سرحانه و ورق شجر أحيانا

الموهبه التالته بعدها بسنتين نسيت الرسم ده خالص وبدأت أقرأ في كتب الشعر أحمد شوقي- إبراهيم ناجي- إيليا أبو ماضي وحسيت إني بحب الشعر قوي وبستمتع جدا وأنا بقرأه وبدأت أكتب حاجات عبيطه ف الأول وكنت بتكسف أوي حد يشوفها لدرجة إني قطعتها وحرقتها لأحسن حد يشوفها (هبل بقى ) والأكتر من كده فاكره موقف عمري ما هنساه أبدا مره كنت بحفظ قصيدة بس مش فاكره لمين

بس بتقول

مساء الخير ياأختي مساء الخير يا جاره

وقفت هنا على الشباك أستجديك منهاره

فهل ترضين أن تصغي بلا ضيق إلى ألمي

وترتاحين آونة من الأوراق والقلم

هيه بتاعت أمل دنقل أو فدوى

هيه بتحكي عن عصفورة وقفت تكلم الشاعر وتشتكي ليه وهيه واقفه على الشباك

القصيدة دي كانت صعبة وكان مطلوب حفظها وأنا كنت بحبها ومن كتر حبي ليها لقتني بلحنها وبغنيها وحفظتها صم

لدرجة إن المدرس أستغرب أنا الوحيده اللي كنت بسمعها من غير ما أغلط ولا غلطه وأصحابي بيغلطوا ويتلغبطوا فيها

وأنا كنت مبسوطه أوي بنفسي

وفضل معايا موضوع الشعر ده فتره طويله يمكن لغاية دلوقتي بحب أكتب الشعر جداااااااا بس أنا الوحيده اللي بتقرأه لأني بكتبه لنفسي وبحس إنها أسراري ومش بحب حد يطلع عليها غيري

آخر هوايه وصلتلها وهيه مش هوايه وبس الكمبيوتر والنت هيه كمان دراسه لأنها مجال تخصصي بس بحس إنها هوايه متجمدة وما فيهاش أي إحساس لكن مسلية ولذيذة

تاج تاني

التاجات عماله تنزل ذي المطره عليا

يلا إن شاء الله خير

التاج جالي بردوه من أحمد عيسى

هو بعتلي تاج اقول فيه عن 5 حاجات محدش يعرفها عني

أولا: مره ولعت ف البيت وأنا صغيره كان عمري وقتها سبع سنين لكن الحمد لله ربنا ستر الحكاية اني أخدت الكبريت من ورا ماما من غير ما هيه تعرف وطلعت على السطح وأختي كانت مستنياني فوق عشان نكمل باقي الخطه وولعت ف أول ورقة وأختي بقت تجبلي الورق لحد ما الموضوع كبر أوي وأنا وأختي خفنا ووافقنا مرعوبين والنار عماله تكبر وتكبر لحد ما الجيران بدأوا يأخدوا بالهم ان في دخان جاي من عندنا على السطح قالوا لماما طلعت تجري هيه والجيران ويطفوا الحريقة وأخدت يومها علقه سخنه لأني انا اللي سرقت الكبريت شريره انا مش كده ؟

ثانيا : كنت مسافره قريب القاهره وانا أصلا مش بسافر كتير(فيها حاجه دي ) فحجزت قطر مكيف أنا أصلا مش بركب القطر كتير فركبت القطر غلط وما ركبتش المكيف بتاعي أتقهرت أوي وسألت الناس مش ده المكيف طبعا ضحكوا عليا لكن نزلت ف نص الطريق وأستنيت المكيف وركبته لازم أخد حقي طبعا وصلت مرتاحه جدا وطبعا ما حكيتش لحد لما رجعت البيت أصل أنا كنت لوحدي ولما وصلت المحطه لقيت الناس بتنزل مش عارفه دي آخر محطه ولا لأ ومش عاوزه أسأل عشان محدش يضحك عليا قلت أنزل وأمري لله بالذات إن كل اللي ف القطر نزلوا لقيت خير اللهم أجعله خير طريق طويل ما أرتحتش غير لما لقيت يفطه كبيره مكتوب عليها القاهره قلت أكيد انا ف رمسيس ووصلت بسلامة الله ودي كانت أخر مره هسافر فيها لوحدي

ثالثا : كنت ف مره ف الكليه في يوم من أيام المشروع وكليتي الحمد لله في مكان مقطوع للي ميعرفهاش في طنطا وفي اليوم ده بالذات تقريبا المجموعة بتاعت المشروع أتفقوا على انهم يريحوا اليوم ده المهم وصلت الكليه ومالقيتش حد أتصلت بيهم هزئتهم ليه محدش عبرني وقالي أتاريهم نسيوني أصل عددنا كبير ف المشروع والمشروع كان كبير المهم قررت أروح والمكان فاضي ومفيش مواصلات ماإحنا ف أجازه بقى حطيت أيدي على خدي وقعدت على كنبه صغيره كده بس بقيت مرعوبة وبصراحه قلت لنفسي أذكري ربنا لعل وعسى ربنا يفك كربي سبحان الله والله ذي ما يكون ربنا بعتلي الأتوبيس وإيه أتوبيس خاص بإشتراك والسواق لما لاقني قاعده زعلانه كده قالي تعالي يابنتي أوصلك بيني وبينكم بردوه أنا خفت وأترعبت لكن أطمنت ان كان في طلبه راكبين ووصلني الحمد لله وبقيت بدعيله طول السكه ربنا يكرمه يارب في سري طبعا

رابعا : مره كنت راجعه من الدرس ف الثانويه العامه والدنيا كانت بتشتي وقبل بيتي بكام شارع كده رغم إن الناس كانت ماشيه ف الشارع عادي لكن انا حسيت إن في حد ماشي ورايا وأنا مرعوبه لدرجه اني خايفه أبص ورايا وفضلت أسرع الخطوات وأمشي بسرعه وحاسه بردوه إن في حد ماشي ورايا لحد ما وصلت البيت وأول ما وصلت بدأت أبص ورايا ما لقيتش حد مش عارفه كان وهم ولا حقيقه الله أعلم

خامسا : مره كنت راجعه من الكليه وبعدين عديت على محل مرايات ف الشارع وانا في طريقي للبيت وشوفت وشي في مرايا من المرايات دي بس مأخدتش بالي إن دي تبقى أنا وبعد ما عديت بقول لنفسي هوه انا شوفت البنت دي فين قبل كده وقعدت أفتكر لحد ما أخدت بالي ان ده محل مرايات وان اللي شوفتها دي هيه أنا وصلت البيت أضحك على نفسي

آه ياني كان لازم تدبسني ف التاج ده يا أحمد فكرتني بالذي مضى

الله يسامحك بقى

وأنا بدوري هدبس التاج ده لكل الناس

وعاوزه حد ما يردش

أما نشوف كده

تاج

التاج ده أنا جاوبته قبل كده وكان عندي مشكله هنا بس الحمد لله خلاص هقدر أنزله

س: اية اللي حيحصل لايميلك لما تموت ؟
يارب إجعل يومي قبل يوم إيميلي
ضل ايميل ولا ضل حيطه أهوه بيسليني على الأقل

س: اديت الباس وورد لحد قبل كده؟
لا أديته لحد قبل كده ولا بعد كده

س: لو اه كانت طبيعة علاقتك بيه اية؟
ماليش اي علاقة بحد يا باشا أنا تنظيم مغلق على نفسه

س : اسمك؟
شيرمن

س: اسم الدلع المشهور وسط اصحابك؟
شوشو

س:عمرك ؟

25

س : برجك؟
ليه الإحراج ده

أمتنع عن الإجابه لأن السؤال لا يفيد ف القضية

س : مجال دراستك؟
مهندسة كهرباء ومخي لاسع 240 فولت يعني إحذروا مني ممكن أكهرب أي حد في طريقي

س : شخصيتك نوعها ايه؟
هستيرية عصبية ممطرة صيفا متلجة شتاء يهب عليها الكثير من العواصف الرملية في الخريف تهدأ ف الربيع

شخصيه عاديه جداا

س : المود بتاعك؟
ايه الأسئلة دي مود مازيل من فضلك

س: وقت فراغك بتعمل فيه ايه؟
بقعد ف البيت أدام الكمبيوتر بتاعي وأنسى العالم اللي حواليا

س: الاكلة المفضلة؟
البيتزا
والمكرونة بالبشاميل

س:الصفات اللي اخدتها من بابا؟
الطول - الإبتسامة الحلوة - اللون الخمري - الحياة المنضبطة - الأكل بالشوكة والسكينة - التصرف بجنتله

س:الصفات اللي اخدتها من ماما؟
الحنية - الرومانسية - ا لحساسية ومحدش يضحك دي مش معناها الهرش
الطيبة بس دلوقتي بقيت أحيانا شريرة

س: اكتر6حاجات بتكرهها؟
الانتظار
الكذب
الخيانة
المجاملات
اللوع
البخل ودي أهم حاجه بكرهها

س:اكتر 6 حاجات بتحبها؟
الصلاة
قراءة القرآن
أهلي
الجلوس أمام الكمبيوتر ساعات طويلة
النوم بعشقه عشق
البيتزا

س:الشغل بالنسبة لك ايه؟
ولا حاجه لأني مش بشتغل

س: السفر؟
بعشق السفر لكن بخاف منه

س: هل لديك اقوال اخري؟
لا يا أفندم شكرا

لكن بمرر التاج ده لجرووم بالذات

ولعبدالله

الإستفتائيون يمتنعون

كل أما أدخل بلوج ألاقي الناس كاتبه عن التعديلات الدستورية والإستفتاء

مش عارفه هنستفيد إيه لما نعارض مش معنى كده إن عندي سلبيه

كل اللي ف الموضوع إن الحكايه مش مستاهله رفضنا وافقنا مش فارقه

يبقى الحل ايه ؟؟؟؟؟؟

الحل بسيط أوي ندعيلهم

ربنا يخليهم ويأخدنا

إنا لله وإنا إليه راجعون

وعلى رأي الأغنية الشعبية

للمطرب الشعبي

ألدو شاهين

شالوا ألدو حطوا شاهين

ألدو قال مأنتوش لاعبين

ولا عزاء للإستفتاء

أقول مختارة

من أقوال العلماء

ماأحببت أن يكون معك في الآخرة فقدمه اليوم

وما كرهت أن يكون معك في الآخرة فاتركه اليوم

سُئل الإمام أحمد متى يجد العبد طعم الراحة ؟

فقال : عند أول قدم يضعها في الجنة

قال ابن تيمية

فالرضا باب الله الأعظم وجنة وبستان العارفين

قال الزهري
مــا عُـــبـِد الله بشيء أفضل من العلم
قال عمر بن عبد العزيز

إن الليل والنهار يعملان فيك فاعمل أنت فيهما

قيل لحكيم
ما العافية ؟
قال : أن يمر بك اليوم بلا ذنب
للعبد رب هو ملاقيه

وبيت هو ساكنه

فينبغي له أن يسترضي ربه

قبل لقائه ويعمر بيته قبل انتقاله اليه

أروع القلوب قلب يخشى الله

وأجمل الكلام ذكر الله

وأنقى الحب الحب في الله

قد مضى العمر وفات يا أسير الغفلات

فاغنم العمر وبادر بالتُقى قبل الممات
المؤمن إذا مات تمنى الرجعة إلى الدنيا

ليكبر تكبيرة أو يُهلل تهليلة أو يُسبح تسبيحة

أجمل من الورد وأحلى من الشهد ولا تحتاج لجهد
( سبحان الله وبحمده )
أسأل الله الذي جمعنا في دنيا فانيه أن يجمعنا ثانيه في جنة قطوفها دانيه
كل عام وأنت الى الله أقرب ومنه أخوف وبه أعرف وإلى دار كرامته أسبق

قال ابليس : أهلكت بني آدم بالذنوب

وأهلكوني بالإستغفار

وذكر لا إله إلا الله
عندك هم ما تبدد ؟ أمل ما تحقق ؟ حزن يتجدد ؟ أنا رصيدك لا تتردد

صلاة الليل

إن للقلوب صدأ كصدأ النحاس وجلاؤها الإستغفار

عندما نبحث عن النور في زمن الظلمة أدعوك لقراءة
سورة الكهف يوم الجمعة

قبورنا تُبنى ونحن ما تُبنا ياليتنا تُبنا من قبل أن تُبني

إذا حسيت بضيق او انك حزين ، دائماً ردد لا اله الا أنت سبحانك إني كنت من الظالمين

تعلم أن الابتسامه لاتكلف شئ ولكنها تعنى الكثير
حاسب نفسك قبل يوم الحساب وبادر بالتوبة قبل غلق الأبواب
ذكر الله يرضي الرحمن ويُسعد الإنسان ويذهب الأحزان ويملأ الميزان

لن ترتوي يا قلب إلا بنفحة إيمان و لن تكتحلي يا عين إلا برؤية الرحمن
اللهم إنك أعطيتنا الاسلام من غير أن نسألك فلا تُحرمنا الجنة ونحن نسألك
قريبا جدًا جدًا جدًا تلقى الله فماذا أعددت للقائه ؟؟

عينان لاتمسهما النار عين بكت من خشية الله وعين باتت تحرس في سبيل الله
( هل تتذكر أخر مره بكيت من خشية الله )
كيف تغرس لك نخلة في الجنة ؟
قل
سبحان الله العظيم وبحمده

هل تريد ان يكون لك كنز من كنوز الجنه ؟
ردد

لاحول ولا قوة الا بالله
كيف تكسب عن كل مسلم ومسلمه ومؤمن ومؤمنه حسنة ؟
قل اللهم اغفر للمسلمين والمسلمات والمؤمنين والمؤمنات الأحياء منهم والأموات

فلسفة الاحتفال بالمولد النبوي الشريف

قال تعالى (لَقَدْ مَنَّ اللَّهُ عَلَى الْمُؤْمِنِينَ إِذْ بَعَثَ فِيهِمْ رَسُولًا مِنْ أَنْفُسِهِمْ يَتْلُو عَلَيْهِمْ آَيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ (164) آل عمران)

فما هي دلالة الآية على ما نحن فيه؟

هناك فرق بين النعمة والمِنّة فالنعمة هي ما ينعم الله تعالى به على عباده أما المِنّة فهي النعمة الثقيلة التي تغيّر حالة العبد تغيراً كاملاً إلى الأحسن وهي التي ما وراءها وإذا ذكّرك المُنعِم بالنعمة دائماً فهي المِنّة وهذا التذكير هو مذموم من العبد ومحمود من الله تعالى

وقال "لا يؤمن أحدكم حتى أكون أحبّ إليه من ماله وولده والناس أجمعين" ومن أحبّ شيئاً أكثر من ذكره فالاحتفال بالمولد يجدد الايمان وما من موسم يُمدح فيه كالاحتفال بالمولد ومدحه من أعظم العبادات (لِتُؤْمِنُوا بِاللَّهِ وَرَسُولِهِ وَتُعَزِّرُوهُ وَتُوَقِّرُوهُ وَتُسَبِّحُوهُ بُكْرَةً وَأَصِيلًا (9) الفتح) والتوقير حفظ الهيبة وكان المسلمون الأوائل إذا ذكروا الرسول اصفرّت وجوههم والتوقير أن تعامله معاملة حسنة تسكن فيها نفسك

أحد الصحابة كان إذا ذكر الرسول بعد موته تأخذه العبرات ولا يستطيع أن يكمل

وكان الامام مالك يدرّس الفقه وكان عندما يدخل درس الحديث يغتسل ويتطيب ويروي الحديث بكل خشوع وسكينة

وفي إحدى المرات كان يجلس قربه عبد الله بن المبارك من المجاهدين وكان من أتباع الامام مالك فرأى مالكاً يرتعش ولم ينقطع عن الحديث فلما انتهى من الدرس وذهب الامام الى بيته تبعه عبد الله فسأله مالك اليوم لست كعادتك فقال يا عبد الله وأنا جالس لدغتني عقرب 10 – 12 مرة فاستحييت أن أقطع حديثي عن رسول الله

من هذه المقدمات أستطيع أن أقول ـ وأستغفر الله إن كنت زالا ـ أن الاحتفال بمولد النبي أصبح اليوم واجبا

هذا التشرذم الذي نحن فيه فهل سمعتم أن من المسلمين من ارتدـ وهل سمعتم أن كتباً تكتب تهاجم النبي وتشتمه وتصفه بأسوأ الصفات، وهل سمعتم أن مصحفاً طُبِع في دولة غربية وطُبِع على غلاف كل مصحف حذاء وهل سمعتم أن بعض الناس يشككون في القرآن والأحاديث؟

وهل سمعتم أن التبشير استشرى الآن؟ فمتى نذكركم بأيام الله ؟

المِنّة هي النعمة الثقيلة التي يجب أن تذكر عندما تُجحد وهناك من جحد الرسول فمنعوا الصلاة عليه بعد الآذان وهناك من يطعن الرسول فهذا الوقت الذي نحن فيه يجعل الاحتفال بالنبي

واجباً أن تذكر أخلاقه وحياته وصفاته وآثاره ومعجزاته وسننه وما نُسي من سننه

وكنا في إحدى المدن نحي سنة من سنن النبي التي نُسيت فإذا بالمدينة كلها تحيي هذه السنة وتعود إليها وعنه

" من أحيا سنة أُميتت من بعدي فكأنما أحياني"

فإذا كان مدح النبي يغفر الذنوب جميعاً

وفي رواية عن حسان بن ثابت الذي كان ممن خاضوا في حادثة الافك عذّبه الله تعالى بالعمى وهو عذاب عظيم (إِنَّ الَّذِينَ جَاءُوا بِالْإِفْكِ عُصْبَةٌ مِنْكُمْ لَا تَحْسَبُوهُ شَرًّا لَكُمْ بَلْ هُوَ خَيْرٌ لَكُمْ لِكُلِّ امْرِئٍ مِنْهُمْ مَا اكْتَسَبَ مِنَ الْإِثْمِ وَالَّذِي تَوَلَّى كِبْرَهُ مِنْهُمْ لَهُ عَذَابٌ عَظِيمٌ (11) النور) شتمه أحدهم أما عائشة رضي الله عنها فقالت لا تقع

فيه فقد غفر الله له ذنوبه ببيت من الشعر مدح به رسول الله

هجوت محمداً فأجبتُ عنه وعند الله في ذاك الجزاء
فإن أبي ووالده وعرضي لعرض محمد منكم وقاء
اتهجوه ولست له بكفء فشرّكما لخيركم افتداء

وننطلق من هذا الاحتفال إلى أن نستذكر سيرة بطرح جديد موافق لطبيعة العصر ونزيل عنها كل ما شابها ونجعل هذه المناسبة فرصة كي نتجحفل حول الرسول

هذه الأمة مكرمة وفضلها الله تعالى على العالمين (كنتم خير أمة أخرجت للناس) أمة طاهرة في عرضها ، في رحمها وفي توحيد الله عز وجل خمسة عشر قرناً والتوحيد هاجسنا

وعلى المسلمين أن يعتنوا بهذا المولد عناية أكاديمية جديدة ليثبتوا الناس على ما ينبغي أن يثبتوهم عليه وللأسف فقد شاع الجفاء في بعض المناطق والجفاء مع من الجفاء

وهذا من مكر الله تعالى والاحتفال ببدر والاسراء والمعراج والمولد تجديد للعلم والفكر والايمان وأسأل الله تعالى أن يجعلنا من أحباب النبي

إذن ما هو المطلوب منا عمله في هذا اليوم المبارك؟؟؟؟؟؟

يجيب العلماء على هذا السؤال بأنه يجب علينا

الاكثار من الصلاة عليه وتتبع سيرته وتجديد عهده

وعلى العائلات أن تجمع الأولاد في هذا اليوم ويعلموهم السيرة ويجددون إيمانهم ويتذكروا حياته وإيمانه وأفضاله كما جاء في الحديث الشريف عنه صلى الله عليه وسلم---->أدبوا أولادكم على حبي

لا تنسوها فهى تستحق الكثير- امى

ماهـــوالأجـمـــل؟
من الجميل أن يكون لديك مرسيدس جديدة

ومن الرائع أن تكون لديك فيلا عظيمة وزوجة جميلة وأموال لا حصر لها

ولكنالأجمل من هذه كله أن تكون لديك

أم تقبلها كل صباح

فتقول لك: الله يرضى عليك يا ولدي

يخجل الكثير من الأبناء من أمهاتهم ويحسون بالخزي وهم يمشون معها

أو يأخذونها إلى مكان ما
وعلى العكس تماما

تفتخر الأم عندمايأخذها ولدها إلى السوق أو إلى بيت أحد الأقارب
فعلا ما أروع الأمهات وما أقسى الأبناء

قبل أن تزوج ابنتك لأحد الشباب المتقدمين لطلب يدها
لا تسأل عن أخلاقه ودينه وأصله وماله ووظيفته فقط

لا تنسى سؤالا مهما هو : كيف يعامل الولد أمه وأبوه ؟

كل واحد يفكر في إرسال هدية لزوجته أو لصديق عزيز الله يخلي المصلحة
ولكن هل يفكر أحدنا بمفاجأة أمه بهدية ؟

ربما لا تعرف حجم الحب الذي يكنه قلب أمك لك
ولكن عندما تتزوج وتنجب الأبناء

ستعرف مقدار الحب الذي يكنه الآباء لأبنائهم

وإذا لم تحس بعد ذلك بمقدار الحب الذي أحدثك عنه الآن
فتأكد يا عزيزي بأن قلبك هو مجرد صخرة

كل شيء يعوض في هذه الدنيا إلا
أمك

هي الشيء الوحيد الذي إذا ذهب لا يعود أبدا

بعض الأبناء يعتقدون أن الأم مجرد خادمة تطبخ وتنظف وتوقظ في الصباح
ولكن الفرق الوحيد بينها وبين الخادمة هوأن الخادمة تأخذ راتبا
والأم تعمل ليلا ونهارا وببلاش

بعض الأبناء لم يعرفوا قيمة أمهاتهم بعد

كما أنهم لن يعرفوا إلا عندما تأتي زوجة الأب
أو تنتقل روح أمهم إلى عنان السماء

كم واحد منا يقبل يد أمه

وكم واحد منا يقبل رأسها

وكم واحد منا يكلمها باحترام وأدب
لو نظر كل واحد منا إلى أسلوب تعامله مع أمه

لوجد نفسه عاقا وجاحدا ومجرما

كم هو حقير هذا الإنسان

يشهد التاريخ أن كل من عق أمه لم يرَ الخير والسعادة في حياته
كما يشهد التاريخ أن كل من أساء إلى أمه أساء إليه أبناؤه
========================

صحيح أنا أتأخرت عن الكتابة بالذات في يوم الأم لكن أنا قصدت كده عشان ماينفعش نحدد يوم واحد ف السنة عشان نفتكرها فيه

لازم نفتكرها دايما

كان نفسي أكتب عن مولد سيد المرسلين وخاتم النبيين لكن الموقع دايما يطلعلي خطأ في الصفحة أدعولي أعرف أكتب

حوار

حوار بين الوردة و اللؤلؤة

ذات يوم التقت وردة جميلة رائعه الجمال شذية الرائحة جذابة الالوان بلؤلؤةلا يبدو عليها شيئا من هذه الصفات فهى تعيش فى قاع البحر تعرفا على بعضهما
فقالت الوردة
عائلتنا كبيرة فمنا الورد ومن الازهار ومن الصنفين انواع كثيرة لا استطيع ان احصيها يتميزون باشكال كثيرة ولكل منها رائحة مميزة وفجأة علت الوردة مسحة حزن
فسألتها اللؤلؤة
ليس فيما تقولين ما يدعوا الى الحزن فلماذا انت كذلك؟

فقالت الوردة:ولكن بنى البشر يعاملوننا بإستهتار فهم يزرعوننا لا حبا لنا ولكن ليتمتعوا بنا فمنظرا جميلا ورائحة شذيه ثم يلقوا بنا على قارعة الطريق او فى سلة المهملات بعد ان يأخذوا منا اعز ما نملك النظارة والعطر
تنهدت اللؤلؤة
رغم انى ليس مثل حظك فى الالوان الجميله والروائح العبقه الا انى غالية فى نظر البشرفهم يفعلون المستحيل للحصول علىّيشدون الرحال ويخوضون البحار ويغوصون فى الاعماق ليبحثوا عنى قد تندهشين عندما اخبرك اننى كلما ابتعدت عن اعين البشر ازدت جمالا ولمعانا ويرتفع تقديرهم لى..... اعيش فى صدفه سميكه واقبع فى ظلمات البحار الا اننى سعيدة لاننى بعيدة عن الايدى العابثة وثمنى غالى لدى البشر

اتعلمون من هى الوردة ومن هى اللؤلؤة؟؟

الوردة هى الفتاة المتبرجه
اللؤلؤة هى الفتاة المتحجبة

المظاهرات في مصر

المظاهرات في لبنان

لكي تدرك قيمة العشر سنوات... إسأل زوجين انفصلا حديثًا

لكي تدرك قيمة الأربع سنوات... إسأل شخص متخرج من الجامعة حديثا
لكي تدرك قيمة السنة... إسأل طالب فشل في الاختبار النهائي
لكي تدرك قيمة الشهر... إسأل أم وضعت مولودها قبل موعده
لكي تدرك قيمة الأسبوع... إسأل محرر في جريدة أسبوعية
لكي تدرك قيمة الساعة... إسأل عشاق ينتظرون
اللقاء
لكي تدرك قيمة الدقيقة... إسأل شخص فاته القطار, الحافلة أو الطائرة
لكي تدرك قيمة الثانية... إسأل شخص نجى من حادث
لكي تدرك قيمة الجزء من الثانية... إسأل شخص فاز بميدالية فضية في الأولومبياد (في الأغلب يكون الفرق بين الذهبي والفضي أجزاء قليلة من الثانية)

- لكي تدرك قيمة الصديق... اخسر واحد

- لكي تدرك قيمة الأخت... إسأل شخص ليس لديه أخوات

- الوقت لا ينتظر أحد, وكل لحظة تمتلكها هي ثروة

وستستغلها أكثر, إذا شاركت بها شخص غير عادي

- لكي تدرك قيمة الحياة.... إسأل عن إحساس من على فراش الموت.

- لكي تدرك قيمة ذكر الله.... موت وشوف ماذا فقدت من عمرك وإنت غافل

- يقول عالم أحياء أمريكي:

أن هناك طبيب شاهد في طريقه كلب مصاب بكسر إحدى قوائمه .. فحمله إلى عيادته البيطرية وقام بمعالجته .. وبعد أن تماثل للشفاء أطلق الطبيب سراح الكلب ..

وبعد فترة من الزمن سمع الطبيب نباح كلب عند باب عيادته .. فلما فتح الباب وجد الكلب الذي عالجه
ومعه كلب آخر مصاب ..

فيا سبحان الله من الذي ألهمه وعلمه هذا!!

إنه الله !

- يقول عالم الأحياء الأمريكي :

كان هناك قط لصاحب بيت يقدم له الطعام كل يوم ..

ولكن هذا القط لم يكتفي بالطعام الذي يقدمه له صاحب البيت .. فأخذ يسرق من البيت الطعام ..
فأخذ صاحب البيت يراقب القط .. فتبين أنه كان يقدم الطعام الذي يسرقه لقط آخر أعمى

لا إله إلا الله !

كيف كان هذا القط
يتكفل بإطعام قط كفيف!!

أنها قدرة الله عز وجل !!

فأسمع قول الله تعالى ..

وما من دابة في الأرض ولافي السماء إلا على الله رزقها ...

سبحان الله وبحمده .. عدد خلقه .. ورضا نفسه .. وزنة عرشه .. ومداد كلماته ..

- وهذا موقف حدث بالعراق يحكيه شاب عراقي قائلا:

عندنا نؤمن بشي اسمه حية البيت (الحية = افعى)

وحية البيت التي تعيش في البيت لاتؤذي ..

في أحد البيوت الريفية كان لأفعى صغار تحت كوم من التبن .. وعندما أرادت المرأة العجوز صاحبة البيت رفع التبن .. وجدت صغار الأفعى .. فما كان منها إلا أن حملت الصغار إلى مكان قريب آمن


وعندما عادت الأفعى ولم تجد صغارها جن جنونها ..

واتجهت صوب إناء كبير فيه الحليب .. وقامت بفرز سمها من أنيابها في الإناء ..
وبعد أن بحثت ووجدت صغارها في مكان قريب ..

عادت ورمت نفسها في الحليب ثم خرجت منه ..

واتجهت إلى رماد التنور وأخذت تتقلب به ليلتصق الرماد بجسمها ..

ثم عادت ودخلت في إناء الحليب لكي تعيبه ولا يستخدمه أهل البيت ..

وقد كانت المرأة العجوز تراقب هذا المنظر العجيب من بعيد ..

ولله في خلقه شؤون !!!!!!