Ho to pass in engineering!!!! TRUE ADVICE

Sure Success Flow graph (new trends in programming)

WARNING!!! Result of not using the above method:::

النساء على مر العصور

إعرفي عريسك بدري بدري .. من طريقة أكله

إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول .. يبقى شخص معتدل في عواطفه وقراراته ويبقى ده آخر الرجال المحترمين .. كلبشي فيه بإيديكي وسنانك .. واستعجلي الزفاف والحياة هتبقى بمبي ماتقلقيش
إذا كان بيحب الأكل زي عينيه .. وأول ما يدخل من الباب وقبل ما يقول لك إزيك يقول لك الله .. ريحة التقلية تجنن ياروحي .. إنتوا عاملين ملوخية على أرانب ؟ .. أموت أنا .. ويقعد ياكل ويحشر لحد ما يغمى عليه .. يبقى إنسان طفس .. وهوائي .. وطايش .. وأوعي تتجوزيه أحسن ياكلك وانتي نايمة
أما إذا كان مش مهتم بالمرة .. لايقولك ده حلو ولا ده عادب ولا مالح ولا مستوي ولا لسه ني ولا بيعلق أي تعليق .. وعمره مايقولك جعان أو شبعان يبقى إنسان مالوش لزمة .. وزي قلته .. وأنصحك بدل ما تتجوزيه إتبنيه .. وهاتعيشي إنتي الراجل والست في وقت واحد واعملي حسابك هاتركبيه وتدلدلي رجليكي
أما إذا كان بياكل زى مايكون حد بيجري وراه وساعة الأكل بيجيله حالة صرع معوي .. ويقوم من ع الأكل قبل أي حد تاني يبقى متسرع .. ومتهور في اتخاذ قراراته وممكن بعد الجواز يكتشف إنك لست ملهمته .. ولست فتاة أحلامه ولستِ حلمه .. ويروح مطلقك بالتلاتة .. إخلعي إنتي بدري أحسن لكرامتك
أما إذا كان بياكل على مهله .. ويمزمز في كل صنف لوحده .. ويسأل عن كل صنف إيه مقاديره ومعمول إزاي ويقعد يستطعم ف الأكل من العصر للمغرب حاسبي منه ياختي ده النوع اللي له مخ .. وبيوزن الأمور بطريقة تفقع المرارة .. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه .. ! نظام شلل رعاش بدري بدري .. إخلعي يا أمي
أما إذا كان بيقعد يقطع ف الأكل زي مايكون ف خناقة ويخبط في الطبق من الغل .. ويقطع حتة اللحمة زي ما يكون بيدبحها .. ويتفتف . ويتكلم طول ماهو بياكل لما يغرق وشك أكل .. ده شخص عصبي جدًا .. ومع أول خناقة هايروح مناولك بالكرسي في راسك أو بالسكينة في عينك يعمل لك عاهة مستديمة .. وبعدين يهدى ويقول لك : سوووري ياروحي هي جت فيكي .. معلش
""معلش إنت بقى .. برَّه يا حبيبي وخد الباب في إيدك""
أما إذا كان دايمًا قرفان دايمًا مش عاجبه العجب ولا الصيام في رجب ف أعرفي أنه هيقرفك أوي وهيحط منخيره ف كل حاجه ف البيت وبردوه مش هيعجبه حاجه يعني من اآخر كده شخص مقرف اوي وهيطلع عينك وبردوه مش هيعجبه

زحلقيه بدري بدري وأنفدي بجلدك

على فكره ممكن بردوه يكون ف الأول عامل فيها مؤدب وبيأكل بطراتيف صوابعه ٌآل يعني عامل فيها محترم ممكن بردوه تكشفيه مفيش مشكله وهيه انك تعزيمه وهو صايم فكريه مثلا باالثلاث أيام البيض من الشهر العربي أنه لازم يصومهم وأعزميه ع الفطار وشوفي طريقة أكله طبعا الطبع يغلب التطبع وكله هيبان

أو حتى انتهزي فرصه انكم ف رمضان وأعزميه

الحاجه التانيه عشان تقدري تكتشفي الموضوع ده بالاضافه لأنك هتعرفي اذا كان بخيل ولا لأ

دبسيه ف عشوه محترمه وشوفي طريقة أكله وأنتوا بعيدا عن الأهل والكاميرات المسلطه عليكم

هتلاقيه على طبيعته خالص وكله هيبان

ف النهايه بقى لو مالقتيش حد تتجوزيه أوعي تدعي عليا

مالها القعده في بيت أبوكي

أشوفكم قريبا في حارة العوانس