come to my Fantastic World

Graphic post

Shermen-imagaination
Shermen-imagaination

ألا بذكر الله تطمئن القلوب

اللهم ارزقنا بألف القرآن أُلفة.. وبالباء بركة.. وبالتاء توبة.. وبالثاء ثوابا.. وبالجيم جمالا.. وبالحاء حكمة.. وبالخاء خُلة.. وبالدال دواء.. وبالذال ذكرا.. وبالراء رحمة.. وبالزاي زلفة.. وبالسين سناء.. وبالشين شفاء.. وبالصاد صدقا.. وبالضاد ضياء.. وبالعين علما.. وبالغين غنى.. وبالفاء فهما.. وبالقاف قوة.. وبالكاف كفاية.. وباللام لطفا.. وبالميم ملكا.. وبالنون نصرا.. وبالواو وقاية.. وبالهاء هداية.. وبالياء يقينا.. برحمتك يا أرحم الراحمين

Monday, July 16, 2007

ماذا تعلمت ؟



مــاذا تعلمــت؟

تعلمت أن العقل كالحقل وكل فكرة نفكر فيها لفترة طويلة هي بمثابة عملية ري ولن نحصد سوى ما نزرع من أفكار سلبية أم إيجابية تعلمت أنه في كثير من الأحيان خسارة معركة تعلمك كيف تربح الحرب تعلمت أنه يوجد كثير من المتعلمين، ولكن قلة منهم مثقفون تعلمت أن مفتاح الفشل هو محاولة إرضاء كل شخص تعرفه تعلمت أنه لا يجب أن تقيس نفسك بما أنجزت حتى الآن، ولكن بما يجب أن تحقق مقارنة بقدراتك



*******


تعلمت أنه من أكثر الناس أذى لنا هم الأشخاص الذين أعطيناهم كل ثقتنا لأنهم بمعرفتهم أسرارنا يستخدمونها ضدنا يوم نختلف معهم وهذه لا شك خيانة تعلمت أن الحياة تشبه كثيراً مباراة للملاكمة لا يهم إذا خسرت 14 جولة كل ما عليك هو أن تسقط منافسك بالضربة القاضية خلال ثوان وبذلك تكون الفائز الأوحد تعلمت أن النجاح ليس كل شيء، إنما الرغبة في النجاح هي كل شيء تعلمت أنه يجب على الإنسان كي ينجح أن يتجنب الأشخاص السلبيين والمتذمرين والمملين والمتشائمين والحاسدين.. لآن ما يقولوه عنا إذا تجنبناهم يعتبر أقل ضرراً مما يمكن أن يسببوه لنا لو لم نتجنبهم.. الملل والتذمر والتشاؤم أمراض معدية كالكوليرا.. تجنبهم دائماً
*******


تعلمت أن الذي يكون مدخوله مليوناً في السنة لا يعمل 1000 مرة أكثر من الذي مدخوله 1000 في السنة السر يكمن في كيفية تشغيل ذهنه تعلمت أن الأشخاص الناجحين يتخذون قراراتهم بسرعة ويغيرونها ببطء أما الأشخاص الفاشلين يتخذون قراراتهم ببطء ويغيرونها بسرعة تعلمت أنه يوجد هناك دائماً طريقة أفضل للقيام بعمل ما، ويجب أن نحاول دائماً أن نجدها تعلمت أنه خير للإنسان أن يندم على ما فعل من أن يتحسر على ما لم يفعل تعلمت أن العمل الجيد أفضل بكثير من الكلام الجيد
*******


تعلمت أن التنافس مع الذات هو أفضل تنافس في العالم، وكلما تنافس الإنسان مع نفسه كلما تطور، بحيث لا يكون اليوم كما كان بالأمس، ولا يكون غداً كما هو اليوم تعلمت أنه يوجد كثيرون يحصلون على النصيحة، قلة فقط يستفيدون منها تعلمت أنه عندما توظف أناساً أذكى منك، وتصل إلى أهدافك، بذلك تثبت أنك أذكى منهم تعلمت أنه من أكثر اللحظات سعادة في الحياة هي عندما تحقق أشياء يقول الناس عنها أنك لا تستطيع تحقيقها تعلمت أن الإنسان لا يستطيع أن يتطور إذا لم يجرب شيئاً غير معتاد عليه
*******


تعلمت أن الفاشلين يقولون أن النجاح هو مجرد عملية حظ تعلمت أنه لا تحقيق للطموحات دون معاناة تعلمت أن المعرفة لم تعد قوة في عصر السرعة والإنترنت والكمبيوتر، إنما تطبيق المعرفة هو القوة تعلمت أن الذين لديهم الجرأة على مواجهة الفشل، هم الذين يقهرون الصعاب وينجحون تعلمت أن الحظ في الحياة هو نقطة الالتقاء بين التحضير الجيد والفرص التي تمر تعلمت أن الفشل لا يعتبر أسوأ شيء في هذا العالم، إنما الفشل هو أن لا نجرب تعلمت أنه هناك أناس يسبحون في اتجاه السفينة وهناك أناس يضيعون وقتهم في انتظارها
*******


تعلمت أن هناك طريقتان ليكون لديك أعلى مبنى.. إما أن تدمر كل المباني من حولك، أو أن تبني أعلى من غيرك.. اختر دائماً أن تبني أعلى من غيرك تعلمت أنه لا ينتهي المرء عندما يخسر، إنما عندما ينسحب تعلمت أنه لا يتم تحقيق أي شيء عظيم في هذه الحياة من دون حماسة تعلمت أن الذي يكسب في النهاية من لديه القدرة على التحمل والصبر تعلمت أن كل الاكتشافات و الاختراعات التي نشهدها في الحاضر، تم الحكم عليها قبل اكتشافها أو اختراعها بأنها


مستحيلة تعلمت أنه من لا يعمل لا يخطئ




*****


تعلمت أن قاموس النجاح لا يحتوي على كلمتي "إذا" و "لكن" تعلمت أن هدية بسيطة غير متوقعة لها تأثير


أكبر بكثير من هدية ثمينة متوقعة تعلمت أن هناك قرارات مهمة يجب أن يتخذها الإنسان مهما كانت صعبة ومهما أغضبت أناساً من حوله تعلمت أن النقاش والجدال خاصة مع الجهلة خسارة بكل معنى الكلمة.. الناس لا يعترفون بأخطائهم بسهولة تعلمت أنه من أجمل الأحاسيس هو الشعور من داخلك بأنك قمت بالخطوة الصحيحة حتى ولو عاداك العالم أجمع
*******


تعلمت أن السعادة لا تتحقق في غياب المشاكل في حياتنا، ولكنها تتحقق في التغلب على هذه المشاكل تعلمت أن الانتباه إلى أشياء بسيطة يهملها عادة معظم الناس تجعل بعض الأشخاص أغنياء تعلمت أنه إذا أمضيت وقتاً ممتعاً وأنت تلعب أي رياضة، فأنت الفائز حتى لو خسرت النتيجة تعلمت أنه يجب على المرء ألا يحاول أن يكون إنسانا ناجحاً، إنما أن يحاول أن يكون إنساناً له قيمة وبعدها يأتي النجاح تلقائياً تعلمت أن الفاشلين ينقسمون إلى قسمين، قسم يفكر دون تنفيذ، وقسم ينفذ دون تفكير تعلمت أنه عندما تضحك يضحك لك العالم، وعندما تبكي تبكي وحدك
*******

Tuesday, July 10, 2007

الصداقة

السلام عليكم ورحمة الله وبركاته





لماذا تفشل الصداقة؟

الصداقة علاقة مقدسة وجميلة ، نجدالصديق في وقت الضيق وفي وقت الفرح
يؤسفني كثير أن أجد أصدقاء مميزون ويضرب فيهم المثل ولكن سرعاً ما تنفك هذه الصداقة ،للذك أحببت أن أطرح عليكم هذا الموضوع متمني للجميع دوام التوفيق والنجاح ،علماً أن هذا الموضوع سبق وأن نشرته من فترة طويلة ولكن للأهمية أرسلته من جديد.

مفهوم الصداقة
الصداقة هي علاقة تتم في اطار كل ما يمكن ان نصفه "بالمتبادل", اي اطار من المعرفة المتبادلة, الاحترام المتبادل, العاطفة المتبادلة, القبول المتبادل, الولاء المتبادل, ومفهوم التبادل هنا يكون من اجل صالح الطرف الآخر ومنفعته قبل منفعة النفس والبعد عن الذات. ويسير مفهوم الصداقة في اطار هذا السلوك المتبادل من اسداء النصائح, مشاركة الصعاب واوقات المحنة, فالصديق هو من يظهر رد الفعل الايجابي الفوري.. والصداقة ايضا هي تبادل الثقة وتجنب فعل ما يؤذي الغير.



قيم الصداقة
- اظهار التعاطف والعاطفة في اكثر صورها الايجابية.- الرغبة الداخلية في تمنى الافضل للطرف الآخر.- الاخلاص في المواقف التي يصعب على الشخص العادي الافصاح عن الحقيقة.- الفهم المتبادل.- الاحساس بالمشاعر العميقة من الطرف الآخر بدون التعبير وخاصة عند الاحتياج الى المساعدة في وقت الأزمات.


فشل علاقة الصداقة

متى تسقط علاقة الاصدقاء وتنهار؟

وما اسباب هذا الانهيار؟

وهل يحدث هذا الفشل في العلاقة فجأة ام تدريجيا حيث توجد علامات تنبىء بهذا الانهيار؟
توجد اجابة قاطعة تجزم بفشل علاقة الصداقة, لكن اغلب علاقات الصداقة تفشل لاحد هذه الاسباب
التغير
الاهمال
خيانة الثقة
التغير

التغير الذي يحدث لأحد طرفي العلاقة هو السبب الأعظم في انكسار علاقة الاصدقاء سواء اكان هذا التغيير للأفضل ام للأسوأ, وعامل التغيير هنا ينقسم الى شقين شق وجداني والشق الآخر عملي وملموس.فتحقيق احد طرفي هذه العلاقة لحلم يراوده قبل الآخر يسبب له الغيرة او الغضب ومن ثم فتور العلاقة وفشلها, والأمثلة على ذلك كثيرة مثل زواج طرف قبل الآخر - الحصول على منصب وظيفي مرموق - الانغماس في علاقة رومانسية

وبما اننا بشر وطبيعتنا تقر بأن كل واحد منا بداخله حب الذات وتفضيلها على اي ذات اخرى خارجة عن نطاقها "حب ذات النفس اكثر من ذات الغير" فقد تظهر الغيرة التي دائما ما تتمثل في هذه العبارة "لماذا الغير وليس انا".او ان يظهر الغضب من الطرف الآخر من انشغاله بعلاقة الحب الجديدة او بأعبائه الوظيفية وقلة الانشغال بالصديق, فمفعول الصداقة يستمر مع الاهتمام والتواصل وعدم الابتعاد لفترات طويلة من الزمن


الاهمال
الاهمال المتمثل في عدم التواصل يقتل الصداقة, فالصداقة مثل الاسماك التي تكون حركتها في المياه دائما بالاندفاع لأعلى والا ستموت فإذا لم تغذ ويصيبها الركود فسوف تنتهي وتموت.فأنت تعلم جيدا ظروف صديقك لكنك مشغول ولا تحتفل به حيث تخبر نفسك "صديقي متفهم لانشغالي هذا" لكنه على العكس مع عدم توجيه الاهتمام ينتج الضجر ثم الضيق, وعندما نكون منشغلين فدائما ما يتجه تفكيرنا الى من سيلتمس الاعذار لنا ممن نحبهم بالطبع ونعتقد بأن هذا شيء سهل.. لكن الصداقة ليست بالأمر الهين.انتبه الى علامات الضجر التي تبدأ في الظهور على صديقك والتي تنبىء بإهمالك له: اذا بدأ في الشكوى وسواء اكنت انت السبب ام الطرف الآخر فالشرخ سيبدأ, والاهمال تكون بداياته عند الشعور بالاحتياج الشديد للطرف الآخر لكنه غائب عنك.

الخيانة

سم الصداقة
انت تثق في صديقك/صديقتك تقص له/لها كافة تفاصيل حياتك, ثم تجده او تجدها تحكي هذه التفاصيل لطرف ثالث ورابع او لأكثر من هذا العدد بكثير, واذا كان الاهمال والتغير من اكثر الاسباب شيوعا في فشل علاقة الاصدقاء,




فالخيانة مؤلمة لأن الإيذاء منها اقوى لان الصديق يعلم ادق اسرارك, وليس الخيانة هي كشف الأسرار للغير وانما ايضا التخلي عن الصديق وقت الاحتياج والشدة, وهذا يولد الخيانة المتبادلة حيث يقوم الطرف الآخر الذي تعرض لها بممارستها وهنا تأخذ صفة الانتقام ويكون فشل علاقة الصداقة في هذه المرحلة نهائيا ودون رجوع

Sunday, July 1, 2007

تسمح تولع لي

أولا أنا مش عارفه أقولكم ايه على اهتمامكم الفترة اللي فاتت دي بيا وهي تقريبا شهر بجد فعلا انتم أخجلتم تواضعي وفرحتوني جدا بسؤالكم عني وحسستنوني اني مهمة أوي عندكم بجد ماكنتش فاكرة اني عضو مؤثر كده بالنسبة ليكم وما تتخيلوش كم الفرحة اللي انا حسيت بيها من كلامك ربنا ما يحرمني منكم وهختم الجملة الطويلة دي بدعاء اتمنى من كل قلبي ان ربنا يستجيب الدعاء ده

" اللهم كما جمعتنا في دنيا فانية إجمعنا ثانية في جنة قطوفها دانية "

وأتمنى ان محدش يزعل مني من مدة مش عارفه أدخل مدونات أصدقائي ومش عارفه أكتب تعليق عندهم ويارب كلكم تعذروني لكن خلينا واحده واحده أبدأ كتابة تاني وأبدأ ردود بعدها في مدوناتكم

وحشتوني كلكم


ثانيا أحكيلكم بقى كنت مشغولة ف ايه كنت مقدمة ف شغل كده وما تخيلتش انه ممكن يجي لكن الحمد لله ربنا استجاب لدعائي ودعاء والدتي وربنا رزقني بالشغل عشان كده ما كنتش عارفه أكتب ف المدونة ده غير اني برجع من الشغل تعبانة جداااا وبنام لحد تاني يوم وده بالنسبة ليا طبيعي من الراحة التامة للخروج والشغل طبيعي لازم اتعب شويه ف الأول لكن الحمد لله مبسوطة اني أشتغلت وربنا وفقني


ثالثا انا معنديش موضوع أكتبه انهارده لكن قريت موضوع عجبني جدا وحبيت أنقله ليكم يارب يفيدكم


على فكرة إن شاء الله هنزل موضوع كل أسبوعين نظرا للظروف الجديدة اللي جدت عليا قبل كده كنت فاضية

--------------------------------------

تسمـح تولّـع لي؟


الجزء الأول


((التدخين ضار جدا بالصحة ))

الجملة دي أثرت فيك؟

هل هاتفرق انهم يكتبوا تحذير واخد نص العلبة؟

ولا الهوا طبعادانت بتدفع فلوس وبتشتري العلبة أصلاإيه العالم دي يا جدع؟

التدخين آخر تمام

*******

بيقولوا إن التدخين مفيد بيني و بينك بقى.. فيقال إنه بيخفض الوزن وإن النيكوتين مضاد للإلتهابات وكمان بيعدل المزاج وبيزود التركيزحد يبطل التدخين يا جدعان؟

ده كلام برضه؟

بس بيني وبينك كده.. ومش هاقول لحد بذمتك.. عايز تبطل؟

*******

بتشرب ليه يا كبير؟

لو سألتك عن السبب مش هاتقول لي السبب الحقيقي, لأنك مش مصارح نفسك بيه أو مش عارفه أساسا.. غالبا هاتكون الإجابة

يا عم باطلع همي في الدخان

يا عم لو حلال أدينا بنشربها, لو حرام أدينا بنحرقها

يا عم أنا باشرب تفاريحي
أو العبارة الذهبية: أنا لو عايز أبطل هابطل

مش دي الأسباب يا صاحبي..الأسباب الحقيقية للتدخين غالبا بتكون واحدة من الحاجات التالية دي


السجاير للجدعان

------------------------------

موافق تشرب حشيش أو هيروين أو كوكايين؟

طبعا لأ.. ليه بقى؟غالبا هايكون السبب هو

الصورة السلبية اللي انطبعت في ذهنك عن العالم دي.. انهم مدمنين ومدّهولين وحالهم منيل بستين نيلة.. صح؟

السجاير بقى مافيهاش الحتة دي المدخن ده جه الدنيا لقى -مثلا- أبوه بيشرب سجاير..

أو بطل فيلمه المفضل بيشرب سجاير.. أو أعز صحابه بيشرب سجاير.. أو حتى الجماعة الكاو بويز بتوع إعلانات السجاير, بيشربوا سجايرلأ وممكن تشوف المدخن على إنهالشخص المهم قوي.. بيكون معاه سيجارالشخص الجذاب جدا.. بتوع السيما بدون ذكر أسماءالشخص المفكر الكبير.. زي العباقرة اللي بيدخنوا و يبصوا في الهوا في انتظار الوحي الشخص الأرستقراطي المهم.. في بيبقى معاه بايب أو غليون و حاطط رجل على رجل فعندنا تخيل للناس المدخنين انهم ناس كويسين و عادي جدا

و الحياة بيسده سبب مهم جدا للتدخين خلي بالكصورة المدخن في نظرك

*******

عادة.. عادي يا سلام على أول سيجارة في اليوميا عيني على السيجارة بعد أكله دسمة يا لروعة السيجارة مع كباية الشاي أصبحت السيجارة من الطقوس اليومية المعتادة.. ماعدش ينفع تعيش من غير سيجارة تحبس بيها, أو سيجارة تصطبح بيها, أو سيجارة بعد سيجارة بقت عادة انت صنعتها لنفسك بانتظامك عليها طول الوقت ده السيجارة بقت من نشاطاتك المعتادة اللي مش متخيل تعيش من غيرها أصلا

*******

التمرد لما الواحد مننا بيكون عيل صغير أو مراهق لسه بيراهق.. بيدخن عشان يحس إنه زي الكبار...أو بيتمرد على سلطة الكباروقتها بيحس إنه جامد قوي و محدش بيهمه

و زي ما بيقول محمد عفيفي الكاتب الساخر الشهير: التدخين نوع من العربدة النفسية يعني أنا بادخن عشان مفيش حاجه بتهمني.. أنا الجامد قويده لما كنا عيال.. انت عيّل؟

*******

جلد الذات.. آيعلى عكس الشخص اللي فات.. ممكن الواحد يكون بيدخن عشان بيعاقب نفسه إنه عمل حاجة غلط.. بطريقة لاواعية طبعا زي اللي بيدخن بعد ما بيخسر صفقة ,أو بيحل وحش في الإمتحان ,أو فسخ خطوبته بيطلع همة في السيجارة يعني

*******

القعدة الحلوةأنا قاعد في قعدة و الناس كلها بتشرب سجاير واتعزم عليا.. ماشربش ليه؟

الشلة كلها على القهوة بتشيش.. هاختلف عنهم ليه يعني؟

ساعات الواحد بيدخن لأنه مع ناس بتدخن.. كده ببساطة.. وقتها لو دخنت هاتحس إنك طبيعي زي الناس اللي حواليك*******
بحبك يا نيكوتين من كتر التدخين الواحد دماغه بتتكيف مع النيكوتين.. عدم اللامؤاخذة المخ بقى مشعشع نيكوتين.. بقى عايز نيكوتين عشان الطاسة تتعدل مش لما بتتضايق بتبقى عايز سيجارة؟مش لما بتتوتر أو عايز وقت تركز أو تفكر.. مش بتبقى عايز سيجارة؟

الفكرة مابقتش مجرد عادة يا معلم.. انت عايز النيكوتين عشان تعرف تتعامل مع الحياةأهلا بيك في نادي المدخنين صباح الفل

*******

كيف تبطل السجاير؟ دي كلها أسباب التدخين تقول لي عرفت منين الحاجات دي؟

أقول لك ماهو أصل سيادتك, أنا كنت بادخن.. وبطلت بطلت؟

أيوه بطلت عادي كده؟

أيوه عادي كده ازاي؟

قربوا كده عليّ يا جدعان نشوف الموضوع مع بعض

*******

الصورة الذاتية من أهم الحاجات اللي بتخلينا نوصل لأهدافنا الحقيقية هي صورتنا الذاتية زي ما قلنا في رسالة سابقة, إن أهم أسباب الفقر إن الشخص شايف نفسه فقير !! هو كده الأغنياء حرامية والفقراء شرفاء.. وكمان 5 سنين مش متخيل نفسي وأنا مليونيرهي دي الصورة الذاتية لو غمضت عينيك وتخيلت نفسك, بعد أسبوع هل هتشوف نفسك مدخن ولا لأ؟ هو ده سبب عدم إقلاع الكثيرين عن التدخين إنهم يرون أنفسهم مدخنين أصلا


أعمل إيه؟ الفكرة هنا هي أن تغير نظرتك لنفسك لا تنظر لنفسك على أنك مدخن وأن هذه طبيعتك قبل أن تنام

مباشرةاجلس في مكان هادئ..لا يزعجك فيه أحد ثم أغمض عينيك ركز في تنفسك واسترخ تماماوشاهد نفسك وأنت تجري على السلم دون أن تتلاحق أنفاسك شاهد نفسك وأنت تتناول طعاما صحيا.. وجسمك الرياضي خال تماما من السموم تخيل.. ما تتمنى لنفسك أن تكونه تأمل التفاصيل حولك في الصورة.. عش هذه اللحظة وكأنك تعيشها فعلا تأملا لصورة التي تراها بتفاصيلهاالأصوات التي تسمعها بتفاصيلهاالأحاسيس التي تنتابك في هذه المواقف اندمج تماما في هذه اللعبة, حتى تستطيع فعلا أن تشعر أنك تعيش هذا الموقف في هذه اللحظة ثم افتح عينيك

هذا التدريب البسيط يساعد على تغيير نظرتك الشخصية لنفسككي تكون ما تريد لنفسك أن تكون


السر الخفي بص بقى.. م الآخر السر الخفي وراء التدخين هو التعود.. التدخين مجرد عادة لا أكثر ولا

أقل التوقف عن التدخين ليس بهذه الصعوبة أبدا.. فالنيكوتين ليس المادة الفظيعة التي لا يمكن للجسم الاستغناء عن تعاطيهاالجسم يتخلص من النيكوتين تماما في 72 ساعة فقط... يعني مش زي الهيريوين أو الكوكايين, وأعراض انسحابه من الجسم بسيطة للغايةالبعض يبالغ في وصف إدمانه للتبغ.. على اعتبار أنه مسلوب الإرادة وأن الأمر ليس بيدهإلا أن السبب الحقيقي للتدخين هو أنه قد اعتاد عليه التدخين مجرد عادة .. خليك فاكرلذلك تقول إحدى الإحصائيات إن التنويم الإيحائي يعطي نتائج فعالة, أكثر من النتائج التي تعطيها لاصقة أو لبانة النيكوتين التنويم الإيحائي.. أي مجرد تغيير نظرتك لنفسك.. واعتقادك أنك غير مدخن بطبيعتك بس خلاص الطريقة دي كفيلة تماما بتغيير تعاملك مع السجايرجرب تعمل كده كل يوم قبل النوم.. تمرين بسيط قوي زي ما شفنا وعلى فكرة.. عمرك ما هاتغير حياتك حتى لو كتبت لك مليون مقال لو عايز تغير حياتك.. ابدأ بتغيير حياتك وأديني قلت لك خطوة أبسط من البساطة بس يا ترى هاتعملها؟
*******

Sunday, June 10, 2007

إعتذار

أعتذر عن تأخري الشديد في التدوين
وتأخري في تصفح مدونات أصدقاني
وذلك نظرا لإنشغالي الشديد
وإن شاء رب العالمين
سوف أتابعه قريبا
أنتظروني
مع خالص تحياتي

Monday, May 28, 2007

تابع التعود


البوست السابق أنا عرفت فيه يعني ايه الرابط النفسي أو ذي ما ياسر حسين قال إن اسمه الإرتباط الشرطي
قانون الارتباط الشرطي وهو باختصار يعنى أنه كلما ارتبط شيء معين بمشاعر أو أحداث سارة فإننا نحب هذا الشيء والعكس صحيح
و انتبهوا كويس لكلمة أرتبط يعني مايجيش حد يقولي مثلا أنا لما بشرب الشاي مش بسهر ولا حاجه ذي ما في ناس بتقول انه بيأثر عليهم وبيناموا أهو المثال ده لنوعين متناقضين من الناس
إذاي يعني أقولك اذاي
يعني لو انت من النوع اللي بيشرب الشاي ومش بيأثر عليه وعادي جدا ممكن ينام فده معناه ان الحدث ده انت مش مرتبط بيه مش بيشد انتباهك لا يمثل عامل جذب بالنسبة ليك
أما لو انت من النوع اللي الشاي بيأثر عليه جدااا وبيسهره أوي يبقى حصلك ارتباط شرطي أو رابط نفسي بالموضوع ده
هقولك على مثال حصلي شخصيا
وأنا صغيرة حوالي 12 سنه كده كنت أسمع ان القهوة بتسهر جدااااا ومره من ضمن المرات شربت فنجان قهوة وأنا من النوع اللي كنت متعودة أنام بدري يعني بعد العشا كده ولما شربت القهوة ماعرفتش أنام خالص وسهرت لحد الساعه 3 الفجر(من 9 مساءا إلى 3 صباحا) حد يقولي فين الارتباط الشرطي اللي حصل هنا ده انتي أول مرة تشربيها
هقولك بس أنا سمعت عنها انها بتسهر ده غير نسبة الكافيين اللي موجوده فيها يعني لو نسبة الكفايين اللي فيها بتسهر بنسبة خمس ساعات يبقى الثلاث ساعات اللي سهرتهم زيادة بسبب الرابط النفسي اللي حصلي لما سمعت كتير عن القهوة وحبيت أجربها
ده بالظبط اللي بيحص لنا لمجرد سماع معلومة أثرت فينا أو جربناها بنفسنا لمدة طويلة وأتعودنا عليها
آه رجعنا تاني لمصطلح التعود
نبدأ نتكلم في النقطة الثانية للموضوع
اللي هيه بتعرفنا اذاي نستفيد من موضوع الرابط النفسي ونستغله لصالحنا
ونستغله في تغيير سلوكنا وعوايدنا اللي اتعودنا عليها
شوفوا المثال ده
عالم من علماء النفس عمل تجربة على طفل ودخل عليه في غرفة نومه فار من فيران التجارب اللي ممكن تلاقي ناس في أوروبا بتربيها
المهم العالم خلى الطفل فى حجرته ودخل عليه الفارالطفل عادى بيلعب مع الفار بعد فتره كل ما يدخل الفار يعمل اصوات مرعبه وازعاج لحد ما الطفل اترعب من الفارلان الرعب عنده ارتبط بالفار فكل ما الفار يدخل حتى بدون اصوات الطفل يبكى المهم العالم بقى كل ما يدخل الفاريشغل موسيقى ويحط للطفل حلويات وما الى ذلك فتبدلت مشاعر الطفل تجاه الفار
وعلى رأي أحمد طاهر غير معتقداتك تغير سلوكك
كل الكلام اللي فوق ده ممكن يكون متكرر وكلنا قرأناه قبل كده
لكن الجديد ف الموضوع هو بعض الأمثلة الواقعية اللي ممكن تفيد البعض فينا واللي يمكن أكون جربت كتير منها
وعلى رأي تامر نبيل اسمه الروتين القاتل لأنه بيقتل الإبداع
لو أنت حياتك مملة وبتمارس نفس الطقوس يوميا ممكن تضيف لها جديد أو تغير ترتيبها
هتقولي اذاي يعني
شوف يا سيدي
طبعا محدش يقدر يجي جمب الطقوس الدينية ذي الصلاة والصوم محدش يفهمني غلط وحبيت أوضح ده عشان خاطر ساهر نبهني لكده جزاك الله خيرا يا ساهر
الطقوس دي أنا هستغلها في ترفيه حياتنا العادية
ناس هتقولي يووووووووه هتقولنا لو زهقان أقرأ قرآن أقفل ياعم البلوج ده هتعملنا ذي الشيوخ
أسمعوني
والله هنستغل حاجات كتير من داخل الحياة في رفاهية الحياة بدون مانصرف أو نكلف عشان خاطر نستمتع
يعني اللي مش متاح ليه انه يسافر عشان يغير جو مثلا مش لازم بسبب الفلوس ممكن يكون لأسباب أخرى
ممكن أوي يغير جو ويغير روتينه اليومي وهو في نفس المكان
خليك معايا في السيناريو ده
صحيت من النوم عود نفسك يوميا أول ما تفتح عينك تقول
اللهم بك أصبحنا وبك أمسينا وبك نحيا وبك نموت وإليك النشور
وإبتسم لو مش قادر تبتسم أجبر نفسك على الإبتسام
أقف أدام المرايه وحاول تضحك
آه شايفه واحد بيقول لصاحبه ياعم دي باين عليها مجنونه
وعاوزانا نقف أدام المراية ونقول أنا مش قصير أذعى أنا طويل وأهبل الجملة المشهورة للفنان الراحل عبد المنعم مدبولي
والله أبدا أنا مش مجنونه
خليك معايا للآخر
أسمعني بس مش هتندم
انت تعرف إن تبسمك في وجه أخيك صدقة
مابالك لو أنت مش قادر تبتسم أول ما تقوم من النوم طبعا كل أما تقابل حد مش هتبتسم وهتضيع من إيدك فرصة جميلة تأخد منها ثواب
ولو حد قابلك وإبتسم في وجهك هتلاقي نفسك تلقائي إبتسمت له وياسلام بقى لو اللي قابلك ده كان بيبتسم لك من قلبه
هتلاقي نفسك تلقائي وشك فك الجمود اللي هو فيه
عشان كده بقولك لو مش قادر تبتسم أقف ادام المرايه وإبتسم لنفسك
عشان تقابل الناس بوجه بشوش وتضيف لهم السعاده وبالتالي هتلاقي نفسك سعيد
خلاص صحيت من النوم وقلت الدعاء وإبتسمت
الحمد لله
وإن شكرتم لأذيدنكم ..... صدق الله العظيم
وعلى رأي عادل إحنا أتعودنا على نعم ربنا علينا لدرجة إن إحنا نسينا نشكر خالق النعم دي
وطبعا مهما شكرناه وحمدناه مش هنقدر نوفيه حق نعمه الكتيره علينا
إحمد ربنا على نعمه عليك كل يوم الصبح
واحد هيقولي ده انتي يومك طويل أوي أنا زهقت ده احنا لسه ف أول اليوم والدنيا حر
لو عاوز تكمل كمل مش عاوز بردوه أنصحك تكمل معايا
طبعا لازم ندخل نتوضى ونصلي الفجر دي أجمل حاجه ف اليوم كله صلاة الفجر
يلا يا عم الموضوع قلب ديني
أستنى بس ماهو ديني على دنيوي
احنا لسه بنقول يا هادي
بعد الصلاة أعمل لنفسك ورد من القرآن أقرأه كل يوم بعد صلاة الفجر إن شاالله يكون صفحة واحده من المصحف
وبعدها أقرأ أذكار الصباح لو مش حافظهم
وعلى فكره لو أتعودت على قرائتهم أسبوع واحد يوميا هتلاقي نفسك حفظتهم وبترددهم كل يوم
خلصنا جزء صغير أوي من اليوم
أبدأ يومك العادي بكل نشاط
وضب لنفسك الفطار جهزه لنفسك ولأهلك لو حد منهم مستيقظ يصلي الفجر وسنه كبير شويه
ولو اللي صاحيين معاك شباب خليهم يوضبوا معاك الفطار
أد إيه هتحس إنك سعيد جدا وأنت بتستنشق أولى نسمات الصباح وأنت صاحي من الفجر وبعد الصلاة لما الصبح يشقشق
منظر طبيعي خلاب ورائع واللي يفوتوه المنظر ده يبقى فاته نص عمره مش بقول كلام ده بجد
وإحسبها كده لو من هواة الصحيان متأخر من النوم هتلاقي إنك بتضيع على نفسك نص عمرك فعلا
أجمل حاجه بعد كل اللي حصل ده انك تلعب شوية رياضه ثني مد جري ف المكان رياضة بسيطه تنشطك وتنشط الدورة الدمويه عندك
جرب وقولي النتيجة هتلاقي نفسك باقي اليوم نشيط جدااا وإنه أحسن يوم عدى عليك من يوم ما أتولدت
لو سنك فوق الأربعين وماجربتش تلعب رياضه ما أنصحكش تزود العيار لأن الموضوع هيبقى متعب يعني ألعب رياضه على خفيف أوي
خد شاور حلو كده وظبط نفسك
على فكرة الإستحمام صباحا ومساء مفيد جدا
صباحا بينشطك ليوم كله حيويه ونشاط
مساءا حمام دافي كفيل إنه ينيمك ذي الملائكة بدون اي مجهود عصبي أو عضلي عشان تعرف تنام
أخدت الشاور
حمام العافيه
ألبس هدوم الخروج وروح شغلك وكلك حيويه ونشاط
وأنت هتدعيلي باقي اليوم
اخ في ناس مش بتشتغل ذيي كده
يعملوا ايه باقي اليوم
حد بقى يقولي لأن دي الحاجه اللي محيراني
مش عارفه اعمل ايه باقي اليوم
زهقت من الخروج
زهقت من تنضيف البيت
زهقت من الطبيخ
زهقت من الرغي ف التليفون
زهقت من الفرجه على التليفزيون
حفظت الأفلام
ساعدوني لوجه الله
يقدعلكم في عينكم وف عافيتكم قادر يا كريم على رأي اللمبي في 55 إسعاف
أما بقى عن سؤال الفرق بين التعود والإدمان اللي سألته داليا
شوفي يا قمر
فيه فرق طبعا بين التعود والإدمان
التعود : هو سلوك معين بنعمله كل يوم أتعودنا عليه ونقدر نستغنى عنه في أي وقت
الإدمان: سلوك بردوه أتعودنا عليه لكن عشان نبطله محتاجين إراده حديديه لأننا بنكون أدمننا تواجده في حياتنا بشكل مرضي مش بشكل طبيعي يعني لو أتعودنا نشرب شاي كل يوم لمدة خمس سنين متصلة ومافوتناش يوم واحد
ولو يوم عدى من غير ما نشرب شاي مثلا لقينا نفسنا أتأثرنا نفسيا ذي إصابة بشويه صداع أو عدم تركيز ف اليوم أو إحساس بالضيق يبقى إحنا أخدنا الشكل المرضي للسلوك
أما لو تطرقنا للجزئية دي من وجهة نظر المخدرات وتأثيرها علينا و إدمانا ليها
فدي في رأيي مش بعتبرها إدمان بالمعنى اللغوي أد ماهي تأثير على الجهاز العصبي المركزي وتوقيفه بشكل مباشر عن أداء مهامه الوظيفيه اللي ربنا سبحانه وتعالى خلقها له وهي انه يفرز مادة اللأدرنالين
اللي كلنا عارفين إنها بتفرز من المخ وقت حدوث ضغط ما أو إنفعال ما أتعرض له الإنسان
ولما المخدرات بتوقف الجهاز العصبي المركزي عن أداء وظائفه بيختل النظام اللي خلقه ربنا عز وجل
تمت بحمد الله

Thursday, May 24, 2007

التعود

عارف لما تصحى من النوم وتقول

بسم الله الرحمن الرحيم وبعدين تتمطع وتتتاوب وتقوم داخل الحمام وتتوضى وتصلي وبعدين تفطر وبعدين تلبس هدوم الخروج .... إلخ . إلخ
من الروتين اليومي اللي نعمله كل يوم في حياتنا العادية
هو ده بقى التعود اللي أنا بتكلم عنه

يعني لما تتعود على فعل شيء معين أو سلوك معين بشكل روتيني يوميا


يصبح شيء عادي

وممل كمان
كل يوم نفس التصرفات
نفس السلوكيات
محدش يفهمني غلط
مش قصدي طبعا إن غسيل وشنا كل يوم شيء ملل
لكن الملل بجد هيه الحياة العادية اللي إحنا عايشنها
حد هيسألني ويقولي يعني هنعمل ايه
أنا قصدي إن إحنا لو أتعودنا على سلوك معين نعمله هنلاقي نفسنا من غير ما ندرى ولا ندي أمر لرجلينا أو أدينا هنلاقي نفسنا تلقائي بنعمله

من ضمن أفعالنا دي ممكن يكون في سلوكيات جميلة لازم نحافظ عليها ومن ضمنها بردوه في سلوكيات سيئة جدا ذي شرب القهوة على الريق يعني أول ما تصحى من النوم كده تقوم شارب يجي جردل قهوة عشان تصحصح في ناس متعودة على كده

(ما أقصدكش والله يا جرووم )
ولا الناس اللي بتستمتع بشرب سجاير أول ما يصحوا من النوم
وفي الآخر يشتكوا بصحتهم
ده القلب لا الرئة .... وأمراض تانية كتيرة مش عاوزة أذكرها ربنا يعافينا منها
عارفين
سهل أوي نغير أسلوب حياتنا في كل حاجه
ونعود نفسنا على أساليب تانيه جديدة علينا
ماهو إحنا في البداية أتعودنا على فعل السلوكيات الغلط دي
والتعود فيه نقط كتير أوي
دي مجرد البداية
هنتناقش في نقطة نقطة

صبركم عليا



النقطة الأولى

علماء النفس بيقولوا الحمد لله مش أنا اللي بقول
بيقولوا ايه : إن في حاجة إسمها رابط نفسي

يعني ايه الرابط النفسي ده

الله ينور عليك حاجة بنرتبط بيها نفسيا
خد عندك مثال
لو أنت عملت نغمة معينة على الموبايل لمجموعة أشخاص معيين أو شخص واحد على حسب
هتلاقي نفسك لو سمعت النغمة دي عند موبايل واحد تاني هتفتكر فورا الشخص أو الأشخاص اللي أنت عاملهم دي
وهيبقى الرابط النفسي ده عالي جدا كلما قل عدد الأشخاص طبعا
فابالتالي حصل ربط بين النغمة وبين الشخص ده أو الأشخاص دول
بالمثل هتلاقي عندنا روابط نفسية كتيرة جدا مع حاجات كتيرة أوي كل أما بتحصل بنفتكرها


تعرفوا إن إحنا ممكن نغير من سلوكيتنا وأسلوب حياتنا من خلال موضوع الرابط النفسي ده


لسه لسه أستنوا
هنكمل كلامنا المرة الجاية
في نقطة جديدة خالص
بردوه عن الرابط النفسي وعلاقته بمشكلة التعود


أستنوني
.
.
.
.
دي مجرد بداية



Monday, May 21, 2007