tag
اسم مدونتك؟
فوضى الحواس
لماذا أخترته ..... ماذا تقصد به؟
هوه ف الأصل أسم رواية وعجبني الإسم أوي وحسيت أنه بيعبر عني
هل فكرت في إغلاق المدونة ..... والسبب؟
لا ماحصلش
صورتك ف المدونة، رمزيتها؟
ايوه رمزية وهيه صورة بنت رافعه إيديها اليمين وده دليل على إنها معترضة
طبيعة كتابتك في المدونة بشكل عام سياسة .... قصة ...... كلام فاضي
مدونتي فيها كل حاجه اللي بحس أنه بيأثر فيا سواء حاجه قرأتها وحسيتها أو مريت بيها بكتبها
لماذا تدون أصلاً؟
عندي وقت فراغ
أحلى جملة قيلت لك في وصف مدونتك؟
ناس كتير بتعلق على مدونتي وبيحسوا إنهم بيرتاحوا لما بيقرأوها الحمد لله
التعليقات بالنسبة أهميتها؟
بحس بتفاعل الناس معايا وده شيء بيسعدني وبيحفزني أكتب أكتر
أحلى بوست كتبته ضع اللينك ثم اذكر لماذا؟
أنا بعتبر إن كل البوسات اللي كتبتها في رأيي لكل بوست لوحده مذاق خاص وإحساس مختلف
أفضل مدونة قرأتها يمكن اختيار عدة مدونات؟
أفضل مدونة قرأتها وبتعجبني بضيفها عندي في قائمة مدونات صديقة
أفضل بوست قرأته يمكن اختيار أكثر من بوست؟
أفضل بوست أكيد موجود في أفضل مدونة اللي هما في مدونات صديقة
هل خسرت صديق بسبب كتابة هنا؟
الحمد لله لأ أنا بكسب أصدقاء جدد وده شيء بيسعدني
حد قل أدبه فى التعليق إيه رد فعلك؟
الحمد لله ما حصلش وإن حصل هلغي التعليق بتاعه وكأن شيئا لم يكن
أسوأ مدونة؟
أكيد أسوأ مدونة هيه اللي أفكارها مسممة أو هايفه وده طبعا بيبان مع أول نظرة على المدونة
أسوأ بوست؟
أسوأ بوست أكيد لأسوأ مدونة
أسوأ مدون؟
أسوأ مدون هوه أكيد اللي بيكتب في أسوأ مدونة
8 comments:
ايه دا
اول مره اعلق عندك ابقا اول واحد :)
خير
اجاباتك دبلوماسية اوى .. بس حلوه
المدونة بشكل عام جميلة .. حلو اوى اوى موضوع مريم .
خالص مودتى
جميلة المدونة
بس حاسس انك بتردى بزهق عالتاج
الف سلامة عليكي يا رب
ادعيلي وادعي لعمتي في المدينة المنورة
تحياتي لك من ماناساس البلد
دي اول مره ليا هنا
بس واضح انك صاحبة ذوق عالي قوي
التصميم رائع واسم المدونة خرافة
تحياتي
د. خالد عزب
SA...
Nice post, bas 3andi comment 3la rabe3 so2al, fel sora el bent raf3a edha el yemeen mesh el shmal :):).
Bas MSA very nice blog.
FrEe.PhArAoH
شكرا على مرورك الكريم ونورت مدونتي
وده حظك أنك أول واحد تعلق على البوست أنا لسه يدوب حطاه أمبارح بالليل قبل ما أنام
وحظي أنا كمان وأنا مبسوطه جدا بمرورك عندي ويارب دايما
---------------------------
safa7_karmooz
ميرسي على مجاملتك الرقيقة بس والله مش برد بزهق بس كنت بنام وأنا برد عليها وكمان عندي شوية برد فتلاقيني بحاول أرد بالعافية عشان الكحة والعطس وكده يعني ملحوظه أنا حذفت جمل ال كح كح والهتشي وأنا بكتب عشان الناس ما تتعديش
----------------
The Groom
الله يسلم يا جروم
ومن عنيا الاتنين انت تأمر هدعيلك انت وعمتك
تحياتي
--------------------
daktara
ميرسي أوي يا دكتور خالد والله أنت اللي عينك حلوه عشان كده شافت مدونتي حلوة ميرسي على تعليقك الجميل
تحياتي
-------------------
A Human Being
ميرسي أوي على تعليقك الجميل
بس تعرف معاك حق جدا انا فعلا ماأخدتش بالي هيه رافعه ايديها اليمين فعلا وهصلح الغلطه دي ف البوست يظهر اني كنت عاوزه انام خالص ومش مركزه وانا بكتب بس جات سليمة
المره الجايه هركز أوي تحياتي
لم تعجبنى الردود الدبلوماسية جداً
أنا ردودي دبلوماسية أوي كده ؟
Post a Comment