الإستفتائيون يمتنعون
كل أما أدخل بلوج ألاقي الناس كاتبه عن التعديلات الدستورية والإستفتاء
مش عارفه هنستفيد إيه لما نعارض مش معنى كده إن عندي سلبيه
كل اللي ف الموضوع إن الحكايه مش مستاهله رفضنا وافقنا مش فارقه
يبقى الحل ايه ؟؟؟؟؟؟
الحل بسيط أوي ندعيلهم
ربنا يخليهم ويأخدنا
إنا لله وإنا إليه راجعون
وعلى رأي الأغنية الشعبية
للمطرب الشعبي
ألدو شاهين
شالوا ألدو حطوا شاهين
ألدو قال مأنتوش لاعبين
ولا عزاء للإستفتاء
7 comments:
الف مبروك علي الشكل الجديد والمواضيع الجديده الي مش ملاحق اقراها
انا مش عارف ليه كل الناس شايفه المشكله في الحكومه مش جايز نطلع احنا الي شعل غلط و ميستحقش حكومه طيبه زي دي
علي العموم الاستفتاء ده جميل ياريت يعموله كل يوم اهه حاجه نتسلي بيها بقي
تحياتي
مين اللي بتغني دي؟
البوست ده ظريف مع اني مش فاهم حاجة
بس مش مهم
أنا برتاح نفسيا لما أدخل هنا و ده كفاية
تحياتي من ماناساس البلد
أنا موافقك جدا..بس ليه ندعي على نفسنا؟ مش مستاهله برضه...الأحسن نقول ربنا يهديهم أو يخدهم..بس عموما هو لما شاهين قال منتوش لاعبين لعبوا برضه
على رأيك يا عبدالله مش يمكن المشكله فينا أحنا
--------------------------
أسأل بتوع مصر وأنت تفهم يا جرووم
الاغنية دي لواحده أسمها رجاء المغربية مطربه جديده
ويارب دايما ترتاح للبلوج بتاعي
ربنا يريح قلبك
----------------------------
عادي يا يعقوب اللعب على كبير أوي
وأنا بدعي على نفسنا عشان يقعدوا هما فيها واحنا نروح الجنه انت مش واخد بالك
وبعدين
الجنه للفقراء
صحيح الأغنية بتقول
شالوا ألدو حطوا شاهين
ألدو قال ماأنتوش لاعبين
مع الإعتذار للمطرب الشعبي
بساطه واقعيه مفرطه
مش كده بردوه
في أبسط من كده
شكرا على مرورك
تحياتي
انا بصراحه مش معاك
أولا الاسلام لم يعلمنا السلبيه
كذلك القرآن لم يذكر كلمة ( وأنا مالي )
كذلك جدي وجدك سنة 29 أيام الكرابيك والانجليز والملك
هم دول الي اسقطوا الدستور
وأحنا بقا الي متعلمين ومعانا كليات مش هنعرف نقول لأ او آه
Post a Comment