Tag

التاج ده جاني

من صديقتي البلوجرية العزيزة ريمو

وأنا بشكرها على إنها أفتكرتني
وبعتذرلها هنا إني ماقدرتش أجاوب على التيجان اللي قبل كده

----------------------

أبدأ أجاوب على التاج بقى

أحب شخص الى قلبك في الدنيا؟

ماما

-----------------------------

إنسان مستعد تضحي بحياتك _ركز في كلمة حياتك_عشانه؟

بردوه ماما أفتكر إنها أكتر إنسان ضحت في الدنيا عشاني يبقى أقل شيء أقدمه ليها إني أضحي عشانها لو هيه محتاجه لتضحية

--------------------------------

إنسان كرهته لدرجة الجنون و تمنيت لو تمسك سكينة و تنقض عليه و تغرزها في قلبه تقتله و تقف تبص على جثته و تشفي غليل قلبك؟

حرام بقى الله يسامحهم

---------------------------------

ما هو إسم أجمل كتاب كتبه بشرقرأته و محتفظ به حتى الآن؟

سلسلة كتب أسمها كتابي

-----------------------------

إسم كتاب_كتبه بشر برضه_إنت متعلق بيه و بتقراه كل فترة؟

سلسلة كتب هاري بوتر

--------------------------

أهم جهاز منزلي متعلق بيه أوبتستخدمه كتير؟

الراديو بحس إن الناس نسيته مش كل الناس طبعا لكن الكمبيوتر طغى عليه

وجهاز النيسكافيه

-------------------------------

شىء تحس بالراحة النفسية عندما تنظر إليه؟

الأراضي الزراعية الخضراء لونها بيديني هدوء نفسي رهيب
----------------------------

مكان تحس فيه بالحنين إلى شىء لا تدري ما هو و ذكريات جارفة إلى لا شىء؟

بلد بابا لأنها كانت في الأرياف وكنا بنزورها كل مدة بفتكر فيها ذكريات كانت حلوة أوي

---------------------------------------

مكان تحس بالراحة عندما تدخله؟

بيتنا القديم

يااااااه لدرجة إني ببكي لما بشوف غرفتي اللي كان ليا ذكريات حلوة أوي فيها
-----------------------------

أجمل مدينة زرتها داخل مصر؟

مرسى مطروح بحبها جدا بحب الشواطئ بتاعتها بعشقها عشق

------------------------------

شخصية كرتونية تحبها؟

-------------------

نوع هاتفك المحمول؟

نوكيا

---------------------

سرعة بروسيسور جهازك؟

مش فاكره بطلو أر بقى

-------------------

ذاكرة _هارد_جهازك؟

بلاش أدي الجهاز هنج أهو

وبيديني رسالة

out of memory

كل ده من الحسد

---------------------------

المساحة التي تشغلها المساحة الاسلامية على جهازك؟

ربنا هو العالم

-----------------

نفس الاجابة السالف ذكرها في قلبك_الاجابة لنفسك عشان الرياء يا اخوانا؟

نفس الإجابة السابقة ربنا هو العالم

---------------------------------

أهم هدف انت واضعه لحياتك الآن؟

من بعد ما اتخرجت من الكلية نسيت أهدافي

-------------------------------

مواصفات فتى الاحلام بالنسبة لي؟

إني أحس معاه بالأمان يكون متدين يكون ملتزم شخصية قوية يسعدني يحبني

يكون أطول مني بحوالي 13 سم

محدش يسألني ليه يمكن عندي عقدة

ماديا يكون مرتاح محدش يبصلي بغلاسه ويقول كلكم بتفكروا في الفلوس

يعني هنعيش إذاي الحياة بقت صعبة

-------------------------------------------

صف ما يأتي شعورك لما بتسمع كلمة مصر؟

بزعل أوي على الحال اللي إحنا وصلنا له

---------------------------------------

شعورك لما بتسمع كلام عن اليهود؟

بحس إني عاوزه أدوس عليهم برجلي

---------------------------------

شعورك لما بتشوف ضابط شرطة؟

ولا حاجه ولا بهتم أصلا
------------------------------

شعورك لما بتشوف الكناس العجوز في الطريق؟

بحس إن لسه في الدنيا ناس بسطاء
----------------------------

أفكارك تجاه شاب ماشي في الطريق يلبس جلابية بيضاء قصيرة و عمامة و له لحية و بجيبه السواك و في يده المصحف؟

بقول ربنا يهدي شباب المسلمين جميعا

-----------------------

إحساس يراودك في اشارة مرور مغلقة بسبب مسئول كبير؟

عادي يعني ببقى مضايقة وبستنى ذي اللي مستنيين

-----------------------

خلصت الاسئله وجه وقت التمرير

بمرر التاج ده للبنات أولا

Youma

Just A Reader

Emos

Rose

tearwhispers

بس بعد إمتحاناتك

إيمان طاهر

داليا

بسكوتة

لحظة

مش قادرة

هات ودنك

واحدة من الناس

للشباب بقى

محمد فوزي آل ربيع

شاور ميرور

أحمد طاهر

إبحث عني

Groom

فكرة مصرية

في العمق

كراكيب عادل

مع نفسه

mondahesh

إبراهيم

عام 2025

أضغط على الصورة للتكبير

عمرو خالد

يا جماعه ارجو المشاركه العاجله فى هذا الموضوع

نعلم جميعا ان ا/ عمرو خالد فاز فى الترشيحات السنويه لمجلة التايمز العالميه من ضمن اكثر مائه شخصية مؤثرة على مستوى العالم و فاز بالمركز الثالث عشر على مستوى المائه و هو الأن فى الولايات المتحده الأمريكيه للتكريم و ألقاء الكثير من المحاضرات عن التعريف بالأسلام و الحضاره الأسلاميه لمزيد من التفصيل أنظر الرابط

http://www.amrkhale d.net/articles/ articles2366. html

http://www.amrkhale d.net/articles/ articles2365. htm

http://www.amrkhale d.net/news/ details.php? id=99

و نحن نريد أستغلال

هذه الزياره الى أقصى حد فى سبيل التعريف بديننا الحنيف كرد فعل ضد الآداة

الأعلاميه الجباره و الهجمه الشرسه على ديننا الحنيف فى الغرب نريد دعوة برنامج أوبرا و نيفرى و الذى يشاهده الملايين اسبوعيا على مستوى العالم لأستضافة الأستاذ عمرو خالد من خلال ملايين الرسائل المرسله لموقع أوبرا على الرابط

http://www2. oprah.com/ email/reach/ email_showideas. jhtml

هذه نسخه من الرساله مترجمه ممكن أرسالها بالنسبه لمن لا يستطيعون رساله سليمه بالأنجليزيه

Dear sir or Madam,
Amr Khaled -one of the most famous Islamic preachers- has been chosen by the Time magazineas one of “the people who shape our world”. His rank was 13th. He is widely known for his non profit organization right start that was established for fighting drugs. He wasawarded a certificate of appreciation by the World Health Organization for his outstanding contribution to tobacco control. Amr Khaled rejects terrorism and is a much needed voice of moderation. His recent TV show “A call for coexistence” have been broadcasted in many western TV channels as well as Arab ones. AmrKhaled’s website is ranked as the 1st personal website world wide:

www.AmrKhaled. net

For more information

http://en.wikipedia .org/wiki/ Amr_Khaledhttp://www.time. com/time/ specials/ 20...616173, 00.html

We Muslim youth strongly wish that Mr. Khaled would be invited to the show during his visit to the US.

أو ببساطة جداً ممكن نكتب
I'd like oprah to interview AMR KHALED

ارسل هذه النماذج او ارسل رسالتك الخاصة
المهم ان ترسل رساله و ان تنشر الموضوع قدر المستطاع لكل من تعرفه و كل الجروبات و فى أقرب و قت ممكن بأذن الله

و جعله الله فى ميزان حسناتنا ووفقنا لخير ما يحب و يرضى
آمين

يللا بسرعه ابعتوا الرساله لموقع اوبرا و قولوا لغيركم علشان يبعتوها

جُزيتم الفردوس الأعلى

إمتحان ثانوية

بلد بتاعت شهادات صحيح

وزارة هنديك بالشبشب

أختبار اللغة العربية

ان شاء الله هنشوفك السنة الجاية يا باشا
وقت الاجابة : خلص نفسك و اجري

=====================

اسم الطالب : ناسي البطاقة في البيت يا معلم

نوع الطلب : علمي علمك

عدد الطلبات : طلب واحد شاي

عنوان المنزل (( في حالة الانتحار او الوفاة )) : اول ناصيه على ايدك اليمين

تليفون المنزل : اتنين صفر و اربعه خضر

هذا الامتحان برعاية بيبسي كولا دلوقتي ... بيبسي الصاروخ بجنيه واحد بس

هتفضل تغلى

لغاية ماتبطلها ---- وراك وراك

=========================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة سبعة أسئلة

ملاحظة: عجلة الجاذبية 9.8 ( في حالة انك حبيت تنط من الشباك )يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))؟

=======================

السؤال الأول

20

درجة

==============

قال ريكو في أغنية (( خلي الشعب يعيش )) مايلي

راحت عليكي الدنيا ... وراح زمن الشهادات

و بقيتي يا دنيا ماشية عالسقفة و عالصاجات

هزيها براحة براحة .. تفضلي على طول مرتاحة

هزيها بشويش بشويش .. خلي الشعب يعيش

===============================

أجب عما يلي

اشرح الآبيات الاربعة الاخيرة من النص بما لا يقل عن 90 سطرا باختصار شديد
لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟
استخرج من البيت الاول محسن ابراهيم و محسن اسماعيل مبيناً نوع كل محسن منهما

استخرج من البيت الثالث صورتين فوريتين مبينا نوع الكاميرا

=================================

مساحة خالية

للإعلان- ت : واحد اتنين .. الجيش العربي فين

===================================

السؤال الثاني

8

درجات

==================

أعط أسباب ما يلي مع شرح وافي :(( ياعم كبر يا عم بص .. ده حتى بص ده الواد بيلظ )) ؟

=========================

تم نقل السوق المالي إلى سوق السمك ؟

إقبال الناس الى شراء نوكيا 9990 و عدم شراء نوكيا 9900 ؟
إغلاق شبكة الأخبار

PNN

بعد زواج شارون ستون؟

أسباب اندلاع الحرب بين ..... ما فيش فرق

اختر أي حرب، ماهو انت هتعيد كده كده ؟

============================

أخي الممتحن أقلب الصفحة: والله لتندم على الساعة اللي دخلت فيها المدرسة

==================

السؤال الثالث إختياري

اكتب الاسم المستوفى من السؤال

ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم 125986؟

ورد ذكر اسم هذا الرجل في اكثر من مسلسل تليفزيوني

=================================================

فاصل إعلاني: غمض عين فتح عين .... اشتري بيتزا تاخد اتنين

(( هذا العرض ساري حتى نهاية الوقت المحدد للإمتحان ))

=========================

السؤال الرابع

8

درجات

==============

ورد في قناة

روتانا فيديو كليب " ليلي نهاري " للمخرج كاميرون كايسي و غناء عمرو دياب :" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله جنبك حياتي دي اجمل حياة

الأسئلة

===================

ماذا كان يريد ان يقول عمرو دياب للمزة ؟ ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ ما اسم صبي الخياط بتاع ام الموديل اللي كانت مع عمرو في الكليب ؟

====================
السؤال الخامس

20

درجة

=============

موضوع تعبير

-----------------

قال أحدهم: حسن زعبولا .. ماشي بيتسالا .. محندق الجاكيته و بيتعايق بالفلة

أكتب نبذه عن حياة ابو حسن زعبولا

Tag

شوفوا بقى يا جماعة التاج ده نسائي

يعني على الستات ياسلام سلم

وطبعا لازم أجاوب عليه

---------------------------------

هل كنت طالب شاطر فى المدرسة؟

الحمد لله

ايه كانت احب مادة و اكره مادة ليك فى المدرسة و الكلية؟

في المدرسه الرياضه كانت عشقي الأول والأخير

وأكتر ماده كنت بكرهها الدراسات لأنها كلها حفظ

الكلية كنت بحب مواد

Control --- Logic --- Database-- Math

وكرهت

Data structure -- Operating System

كنت عايز تتطلع ايه وأنت صغير ؟

مهندسة ديكور ولما كبرت دخلت هندسة

بس بقيت مهندسة كهرباء

دائما ما تطالب المرأة بالحصول على حريتها فما مفهوم الحرية عند المرأة؟

الحرية بالنسبه ليا هيه اني أعمل الحاجه اللي بحبها طالما مش بضر حد ولا هي غلط ولا هي حرام

متى احسست بنفسك"خائنة"؟

الحمد لله محصلش أني خنت حد

هل يمكن ان تحب المرأة رجلين في نفس الوقت؟

مستحيل

إذا كانت بتحب بصدق

إذا خذلك لعديد من المرات، هل ستستمرين معه في علاقة مستقرة؟

هحاول ولو مالقيتش فايده هنهي العلاقة فورا

ماذا ترتدين فى أول لقاء لكِ مع حبيبكِ بالوصف التفصيلي؟

إذا حصل ولو إنه مش هيحصل

كلاسيك

يعني جيب وبلوزه

وتكون ألوان هادية

ما هى أول فكرة ترد الى ذهنك فى اللحظات ا لأولى بعد دخولك "المحظور"...لا توجد خيارات للإجابة؟

ايه المحظور ده
مش فاهمة حاجة

سؤال بالعربية الفصحى الى العربية الفصحى، أيعقل أن تكون هيفا وهبي المرأة العربيةمن المحيط إلى الخليج، ماذا يمكن أن تفعلن لتغيير هذه الصورة، و كيف بامكاننا أن نساعدكن ؟
ما تتفرجوش عليهم

هو احنا وحشين

إذا عجبك شاب، بتجربي تلفتيلو انتباهو، كيف؟

لا مش بجرب

إذا عجبك شاب وما بادلك الاعجاب، شو بتعملي؟

ولا حاجه

في مرشد بيقول انو البنت بترغب الشاب طالما انو بيشكل تحدي , شو رأيك؟
الله أعلم

هيفاء وهبي، شادية، وفاتن حمامة: مع من تتماهين أكثر؟ بصراحة ومن دون مثاليات)؟

فاتن حمامه

.انتقي شخصية رجالية معروفة تتمتع بالكاريزما (برأيك) وتكلمي عنها ؟

رشدي أباظه

ياسلام عليه بجد شخصيه جميله بيعرف إذاي يتعامل مع الأنثى ويحسسها بنفسها

مش ذي رجالة اليومين دول

مع الأعتذار

لماذا تنفخ المرأة في كل الزبادي كلما لسعتها الشوربة؟

أصل لسعة الشوربة صعبه أوي

هل صحيح أن المرأة تختار الشخص غير المناسب في فترة المراهقة والشباب ثم تندب؟
مش عارفه

ما هو أسوأ موعد غرامي مر بك؟ وما هو أكثر جزء ضايقك في هذا الموعد؟

محصلش

لماذا تدعي اغلب النساء انهن لا يجدن الطبخ؟

هجاوب ذي إجابة أيموس اللي بعتالي التاج

عشان يبقوا فى السيف سايد عشان لو قالت بتطبخ و الاكل طلع وحش بعد كدة محدش هيرحمها

ولو قالت مش بتعرف وطلع الأكل حلو يا سلام سلم بقى هيتبسطوا منها أوي

ذكرى وظروف أول قبلة ؟
ايه الأسئله دي

والله ماحصل

هل تقبلين بأستمرار العلاقة التي تربطك بشخص (زوج أو عشيق في حال مات الحب بينكما؟؟

طبعا أقبل لأن صعب أوي أسيب حياتي اللي كونتها عشان خاطر الحب مات

بالذات لو في أطفال حرام مش ذنبهم ان أبوهم وأمهم مات الحب بينهم

لكن ممكن أحاول أصلح ما أفسده الموت

هل يستحق الرجل التضحية بكل شيء من اجله والبدء معه بحياة جديدة تبدأين فيها من الصفر؟؟

بصراحه شديده

لأ

هل تسعد عندما يمرر لك احدهم تاج؟

لما تكون الأسئله مستفزة بس

هل مقدار سعادتك أو شعورك ايا كان عند تمرير التاج لك يختلف حسب المدون؟

لأ

هل تستمتع عند إجابتك عن أسئلة التاج؟
بعض الأسئلة فقط

هل ترى للتاج أهمية حقيقية؟

لأ

هل فكرت في عمل تاج خاص لك من قبل؟
لأ
هل تفضل قراءة اجوبة التاج عند المدونين الاخرين؟ أم لا تهتم سوى بالتدوينات الأخرى فقط؟

أحيانا

عندما ترد على التاج ما الذي تراعيه اكثر؟
اني أجاوب إجابات حقيقية بقدر الإمكان

وإلا أهرب من الإجابه
هل تحرص على قراءة اجابات من تمرر لهم التاج ؟

أكيد
و هل تغير إجابتهم للتاج شيئا في ادراكك لهم؟

لأ
هل تلتزم حرفيا بأسئلة التاج؟

إلى حد ما

ما هي نوعية التاجات التي تفضلها؟

معرفش أنواعهم أصلا
إلى من تحرص على تمرير التاج؟

للي يحب يجاوب
تمرر التاج ده لمين؟

بردوه للي يحب يجاوب

الجواب المفحم

مرت امرأة فائقة الجمال برجل فقير بل معدم

فنظر إليها وقلبه ينفطر شغفا بجمالها، ثم تقدم منها ودار بينهما الحوار الآتي

الرجل: وزيّناها للناظرين

المرأة: وحفظناها من كل شيطان رجيم

الرجل: بل هي فتنة ولكن أكثرهم لا يعلمون
المرأة: واتقوا فتنة لا تصيبن الذين ظلموا منكم خاصة واعلموا أن الله شديد العقاب

الرجل: نريد أن نأكل منها وتطمئن قلوبنا

المرأة: لن تنالوا البرّ حتى تنفقوا مما تحبون

الرجل: وإن كان ذو عسرة
المرأة: حتى يغنيهم الله من فضله

الرجل: والذين لا يجدون ما ينفقون

المرأة: أولئك عنها مبعدون

عندها احمر وجه الرجل غيظا وقال

ألا لعنة الله على نساء الأرض أجمعين

فأجابته المرأة : للذكر مثل حظ الأنثيين

يا حلم عمري

البوست اللي فات كان بيتكلم عن رجل الأحلام بالنسبة للمرأة

البوست ده بقى بيتكلم عن فتاة الأحلام بالنسبة للرجل

خلينا مع الكلام ويارب يعجبكم

----------------------------------

يا حلم عمري

يسعدني أن تشعريني بأني أهم رجل في العالم بالنسبة لكي

شوقي أن أجد لديك في كل وقت دفئا وحنانا وتفهما

إيجابيتك وإقبالك على الحياة أكبر حافز لي

إبتسامتك وتفاؤلك أهم مصدر لتشجيعي

يلذ لي أن أراكي تعتمدين علي وأفرح في الوقت نفسه عندما تبهريني بتحمل المسئولية

أريدك طموحه وقنوعه

أحلمي معي ولكن لا تتركيني وحدي عندما ننزل إلى أرض الواقع

أغتنمي كل فرصة لتضحكي معي

تفنني في التعبير عن حبك لي وسعادتك معي

أهتمي بأناقتك ورشاقتك لأجلي

تفهمي آلامي وضغوط يومي وحرصي على أن أوفر لكي حياة كريمة

تذكري أنني لا أحب أن تقارنيني بأبيك أو أخيك أو بزوج صديقتك

يطرب قلبي أن تفتخري بي أمام كل الدنيا

لا تتوقعي مني - مهما إجتهدت - أن أنجح في أن أقرأ أفكارك في كل مره ساعديني بالتعبير بالكلمات الواضحه عن كل ما تقصدين أو تتمنين

أحفظي سري

أصغي إلي وشاركيني مشاعري وتفهمي صمتي

هناك أمور لا تعجبك في شخصيتي ساعديني بلطف على تغييرها دون أن تتقمصي ( دور أبلة الناظرة ) وتتحكمي مثلها

ثقتك في نفسك ثروتي ثقتي فيك تاجي

نعم أحبك وأهتم بكي لكني مستغرق الأن في أمر ما يشغل ذهني فتخيري توقيتا أفضل وبخاصة إذا كان ما تودين الحديث بشأنه يحتمل الإنتظار

وأخيرا أود أن تعلمي أنه مهما دارت الأيام وأمتدت السنون فلم أكن لأختار سواك وحدك لتشاركيني رحلة حياتي
لأنك أنتي نعم الحبيبة ونعم الرفيق

يا رجل أحلامي

البوست ده بيعبر إيه اللي عايزاه الفتاة من فتى أحلامها زوج المستقبل

البوست الجاي هقولكم ايه اللي عاوزه الرجل من فتاة أحلامه زوجة المستقبل

الكلام ده مش أنا اللي كتبته ده من مجلة

مش فاكرة إسمها

لكن الكلام اللي فيها قيم جدا

..................................................................................

يا رجل أحلامي

أريدك وسيما نعم أريدك وسيما في سلوكك وتعاملاتك

أريدك قويا تحتويني وتسندني وتدافع عني وتشعرني بالأمان

أريدك حبيبا يتأنى علي يرفق بي يغفر لي

أحتاج حنانك الذي يجفف دمعي ويهدئ نفسي

يسعدني أن تقدرني كإمرأة وتؤمن بدوري في الحياة وتشجعني على النجاح

يبهجني أن تحترم رأيي وتثق في ذكائي

وتحاول أن تنظر للأمور من وجهة نظري

سعادتي أن تكون صديقي وتجد متعة في الحديث معي

أبتكر في التعبير لي عن حبك كل يوم

أقبلني بعيوبي ونقاط ضعفي وساعدني على التغير نحو الأفضل دائما

قدني بهدوء إلى حيث تنمو شخصيتي

يسعدني أن تفخر بي أمام الناس

الرجولة في نظري قلب طيب وشعور بالمسئولية

أنا ككل إمرأة أعشق التفصيلات وأهتم بصغائر الأمور ولا أقصد أبدا إزعاجك

إحتملني أصبر علي كن لطيفا معي

إجعلني أشعر إنني الأجمل في عينيك دائما

شجعني على أن أتحدث إليك بمكنون نفسي دون أن أخشى غضبك أو أخاف رد فعلك

أحتضن كلماتي بأذنيك همساتي بعينيك عندما ألجأ إليك لمجرد الفضفضة التي تريح قلبي

أما سر سعادتي فسيظل دائما في جما إخلاصك لي وروعة إلتزامك نحوي

وأخيرا أود أن أعلنها وأمام كل الدنيا

أنك فرحتي وهدية السماء لي

لا تعليق

تورتة الزفاف

هو ده اللي هيحصل بعد كده

اصورة دي فكرتني بحكاية واحده صحبتي

فعلا كان ناقص إنها تشد حبيبها من ....... ذي الصورة كده

وتأخده على المأذون

جاتنا نيلة في حظنا الهباب

ركز في الصلاة

استغفـر الله العظيـم

إستووا.. إعتدلوا.. إستقيموا يرحمكم الله
الله أكبر..

أحمد ركز بأه في الصلاة وبلاش تسرح، طيب

هو الراجل اللي جنبي ده صوابع رجليه عاملة كده ليه؟

صباعه الكبير ده كبير

آه بمناسبة الصوابع هي صوابع زينب دي اللي هيا إيه؟

بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه

الله أكبر

أحمد ركز يا أحمد، طيب ماأنا مركز

مركز إيه طيب إنت قريت سورة إيه؟

أنا قريت سورة اللهب شفت بأه أنا مركز إزاي؟

لألأ دي كانت سورة الفيل

سمع الله لمن حمده

ربنا ولك الحمد، أنا

بس مش عارف أفطر إيه النهاردة؟

آه المطعم الجديد اللي كانوا بيتكلموا عنه

بيقولوا عليه أكله حلو، بس هو في شارع إيه؟

لما أخلّص الصلاة أتصل بالتليفون أعرف العنوان
الله أكبر

هيا الساعة كام دلوقتي؟

زمانها أربعة وخمسة، على فكرة هيا الساعة التانية الجلد كنت حطيتها فين؟

ياإما في الدرج ياإما في

دولاب ايه بس يا أحمد ركز ياأحمد إنت

أستغفر الله

الله اكبر

أهوه أنا مركز أهوه، إنظر لمكان السجود وركز في الأيات اللي بيقولها الإمام
الله أكبر

الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ شفت أهوه إنت رجعت تسرح تاني

الله أكبر

هو إحنا في الركعة الكام؟

يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد
الله أكبر

أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم
الله أكبر

السجادة دي مريحة ولونها حلو، هيا سجادة ولا

لاموكيت بنسيج

آه على فكرة إبقى إفتكر تكنس السجادة اللي في البيت بالمكنسة

بس لازم أنضف كيس المكنسة عشان بقالي مده مانضفتوش
الله أكبر

الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا

أستغفر الله
الله أكبر

فيه صوت موبايل، الناس دي ليه مش بتقفل الموبايل ساعة الصلاة مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل

الله أكبر

الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك
السلام عليكم ورحمة الله

السلام عليكم ورحمة الله
إيه هيا الصلاة خلصت ؟
السلام عليكم ورحمة الله
السلام عليكم ورحمة الله

أستغفر الله العظيم
لا اله الا الله الحليم الكريم

لا اله الا الله العلى العظيم

لا اله الا الله رب السماوات السبع ورب العرش العظيم

إلـــــــــــــــــهي لا تغضب علي فلست أقوى على غضبك

و لا تسخط علي فلست أقوم لسخطك

أطول رجل في العالم

بمناسبة أعياد الربيع إليكم هذا الخبر السريع

"باو تشيشون" 2.36متر وعروسة "تشيا"1.68متر

المدار العربي - قالت وسائل اعلام صينية

ان أطول رجل في العالم والذي بحث عن زوجة في ارجاء الارض انتهى به المطاف الى الزواج من امرأة في نصف عمره تقريبا من مسقط رأسه وذكرت صحيفة "بكين نيوز" أن باو تشيشون (56 عاما) وهو راعى ماشية طوله 36.2

متر والذي سجلته موسوعة جينيس للارقام القياسية العالمية كأطول رجل في العالم على قيد الحياة تزوج من بائعة صينية عمرها 29 عاما وذكرت الصحيفة بعد ان أرسل اعلانات للزواج في انحاء العالم وقيامه بعملية اختيار طويلة تكللت أخيرا جهوده بالنجاح وعروسه "تشيا" شوجوان طولها1.68 متر فقط من شيفنج في منغوليا الداخلية مسقط رأس باو

ووفقا لموسوعة جينيس فان باو وصل الي هذا الطول في طفرة نمو مفاجئة على مدى سبعة اعوام بدأت في مرحلة المراهقة ولم يتمكن الاطباء من تفسيرها حتى الان وبعد انتهاء خدمته في الجيش حيث جند في فريق لكرة السلة عاد الى منغوليا الداخلية حيث عمل في مجال الدعاية والاعلان الى جانب رعي الماشية وهي حرفته الاصلية

tag

اسم مدونتك؟

فوضى الحواس

لماذا أخترته ..... ماذا تقصد به؟

هوه ف الأصل أسم رواية وعجبني الإسم أوي وحسيت أنه بيعبر عني

هل فكرت في إغلاق المدونة ..... والسبب؟

لا ماحصلش

صورتك ف المدونة، رمزيتها؟

ايوه رمزية وهيه صورة بنت رافعه إيديها اليمين وده دليل على إنها معترضة

طبيعة كتابتك في المدونة بشكل عام سياسة .... قصة ...... كلام فاضي

مدونتي فيها كل حاجه اللي بحس أنه بيأثر فيا سواء حاجه قرأتها وحسيتها أو مريت بيها بكتبها

لماذا تدون أصلاً؟

عندي وقت فراغ

أحلى جملة قيلت لك في وصف مدونتك؟

ناس كتير بتعلق على مدونتي وبيحسوا إنهم بيرتاحوا لما بيقرأوها الحمد لله

التعليقات بالنسبة أهميتها؟

بحس بتفاعل الناس معايا وده شيء بيسعدني وبيحفزني أكتب أكتر

أحلى بوست كتبته ضع اللينك ثم اذكر لماذا؟

أنا بعتبر إن كل البوسات اللي كتبتها في رأيي لكل بوست لوحده مذاق خاص وإحساس مختلف

أفضل مدونة قرأتها يمكن اختيار عدة مدونات؟

أفضل مدونة قرأتها وبتعجبني بضيفها عندي في قائمة مدونات صديقة

أفضل بوست قرأته يمكن اختيار أكثر من بوست؟

أفضل بوست أكيد موجود في أفضل مدونة اللي هما في مدونات صديقة

هل خسرت صديق بسبب كتابة هنا؟

الحمد لله لأ أنا بكسب أصدقاء جدد وده شيء بيسعدني

حد قل أدبه فى التعليق إيه رد فعلك؟

الحمد لله ما حصلش وإن حصل هلغي التعليق بتاعه وكأن شيئا لم يكن

أسوأ مدونة؟

أكيد أسوأ مدونة هيه اللي أفكارها مسممة أو هايفه وده طبعا بيبان مع أول نظرة على المدونة

أسوأ بوست؟

أسوأ بوست أكيد لأسوأ مدونة

أسوأ مدون؟

أسوأ مدون هوه أكيد اللي بيكتب في أسوأ مدونة

مـــــــــــــــــــــــــــريم

كنت إمبارح في فرح واحده قريبتي وفي وسط الدوشه بتاعت الفرح وأغاني الدي جي اللي خرمتلي طبلة الأذن

لقيت نونو صغيرة بنوته ذي اللي ف الصورة دي بسم الله ماشاء الله جايه عليا وفاتحه إيدها ليا وكأنها جايه تحضني

بصراحه الموقف كان مفاجئ جدا ليا ولقيت نفسي بأخدها في حضني وبقولها تعالي يا حبيبتي ولقيتها بتبصلي وتبتسم بجد نستني الدنيا اللي حواليا وقعدتها على رجلي وقعدت أدلع فيها وبعدين مقدرتش أشيلها كتير كنت وأضطريت أقوم أقف جمب العروسه شويه عشان شكلي ما يبقاش وحش وأديت الطفله لماما لقيتها نامت كده على كتف ماما بس نايمه صاحيه أنتوا عارفين اللي في حاله سرحان وشرود كانت نظرتها حلوه أوي ذي الصوره دي

ورجعت قعدت تاني وأخدت الطفله من ماما وقعدتها على رجلي وفضلت ألاعبها لحد ما لقيتها فجأة نزلت من على رجلي بشكل غريب مش عارفه ايه اللي حصل

كانت جعانه وفي بنوته صغيره قاعده قريب مننا وبتأكل جلاش

والنونو اللي كانت معايا اللي عرفت بعدين إن اسمها مريم لقيتها واقفه جمب البنت دي وبتبصلها وبتبص للأكل فهمت إنها جعانه قلتلها انتي جعانه يا قمر طيب وقعدتها على رجلي وأكلتها من الجلاش بتاع البنت التانيه وفضلت أضحك طول الوقت على الموقف الظريف ده لحد ما ماتها جات تدور عليها مريم مريم إنتي فين قلتلها هيه إسمها مريم الله ربنا يخليهالك ويحميها بسم الله ماشاء الله عليها ومامتها قالتلي أصلها عشريه أوي قلتلها انا لقيتها جايلي لوحدها كده ومامتها بتأخدها عشان تروح جايه أبوسها لقيتها مخصماني وما رضيتش تبوسني قلت لمامتها شوفتي زعلت مني عشان أديتهالك بسرعه ومامتمسكتش بيها قالتلي آه المفروض كنتي تعزمي عليها بقلب جامد مش عزومة مراكبيه

وفضلنا نضحك انا ومامتها وبوستها وقولتلها باي يا مريم وضحكتلي ومامتها خدتها ومشيوا

وروحت البيت مبسوطه أوي إني شوفت مريم

تاج تالت

التاج ده من عند ريمو عباره عن سؤال واحد ورغم إني خلاص تعبت من التاجات لكن هرد عشان ماأزعلهاش

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها؟؟؟؟؟؟

بالنسبة لموضوع الهوايات دي ف أنا عندي هوايات كتير جدااااااااااا من صغري أحب هوايه وأسيبها وأكتشف هوايه غيرها وهكذا

أول هواية أكتشفتها عندي كانت الغنا وكنت ف خمسه إبتدائي وكان صوتي حلو بس كنت بتكسف أوي لدرجه لما كان المدرسين يطلبوا حد يطلع يغني أدام الفصل كان كل صحباتي يرشحوني وأطلع وأتكسف أغني أقوم أدخل تاني بسرعه وكنت بشترك في حفلات المدرسه ومره كنت مشتركه في حفله بس أخترت دور الإستعراض كنا بنعمل حركات رياضيه عبيطه كده

وكنا خلاص عملنا البروفات بتاعت الحفله اللي هنقدمها وحفظت دوري وكل حاجه ويم الحفله تعبت جدا وما روحتش المدرسه وزعلت أوي كان نفسي أحضر الحفله ومن يومها وأنا اعتزلت الغنا والاستعراضات ( فنانه معتزله بقى يا جماعه ) ومحدش يتريق عليا إيه يعني كنت بتكسف

الهوايه التانيه بقى ودي كانت ف الإعداديه كانت الرسم ودي ماما أكتشفتها عندي وشجعتني عليها وكنت بحب أرسم أوي أوراق الشجر بحب الطبيعه أوي وفي مره كنت ف إمتحان أولى إعدادي وطلبوا مننا نرسم الغيطان والفلاحين وهما في حياتهم اليوميه

رسمت وطلع رسمي حلو أوي معرفش إذاي ويومها من غير ما المراقبين يأخدوا بالهم رفعت الرسمه بتاعتي لفوق وفرجتها لواحده جمبي أتبسطت أوي وقالتلي الله ساعتها فرحت بنفسي حسيت إني عملت حاجه

حتى لحد دلوقتي لما أجي أسرح كده بخيالي تلاقيني أرسم عيون حزينه وانا سرحانه و ورق شجر أحيانا

الموهبه التالته بعدها بسنتين نسيت الرسم ده خالص وبدأت أقرأ في كتب الشعر أحمد شوقي- إبراهيم ناجي- إيليا أبو ماضي وحسيت إني بحب الشعر قوي وبستمتع جدا وأنا بقرأه وبدأت أكتب حاجات عبيطه ف الأول وكنت بتكسف أوي حد يشوفها لدرجة إني قطعتها وحرقتها لأحسن حد يشوفها (هبل بقى ) والأكتر من كده فاكره موقف عمري ما هنساه أبدا مره كنت بحفظ قصيدة بس مش فاكره لمين

بس بتقول

مساء الخير ياأختي مساء الخير يا جاره

وقفت هنا على الشباك أستجديك منهاره

فهل ترضين أن تصغي بلا ضيق إلى ألمي

وترتاحين آونة من الأوراق والقلم

هيه بتاعت أمل دنقل أو فدوى

هيه بتحكي عن عصفورة وقفت تكلم الشاعر وتشتكي ليه وهيه واقفه على الشباك

القصيدة دي كانت صعبة وكان مطلوب حفظها وأنا كنت بحبها ومن كتر حبي ليها لقتني بلحنها وبغنيها وحفظتها صم

لدرجة إن المدرس أستغرب أنا الوحيده اللي كنت بسمعها من غير ما أغلط ولا غلطه وأصحابي بيغلطوا ويتلغبطوا فيها

وأنا كنت مبسوطه أوي بنفسي

وفضل معايا موضوع الشعر ده فتره طويله يمكن لغاية دلوقتي بحب أكتب الشعر جداااااااا بس أنا الوحيده اللي بتقرأه لأني بكتبه لنفسي وبحس إنها أسراري ومش بحب حد يطلع عليها غيري

آخر هوايه وصلتلها وهيه مش هوايه وبس الكمبيوتر والنت هيه كمان دراسه لأنها مجال تخصصي بس بحس إنها هوايه متجمدة وما فيهاش أي إحساس لكن مسلية ولذيذة

تاج تاني

التاجات عماله تنزل ذي المطره عليا

يلا إن شاء الله خير

التاج جالي بردوه من أحمد عيسى

هو بعتلي تاج اقول فيه عن 5 حاجات محدش يعرفها عني

أولا: مره ولعت ف البيت وأنا صغيره كان عمري وقتها سبع سنين لكن الحمد لله ربنا ستر الحكاية اني أخدت الكبريت من ورا ماما من غير ما هيه تعرف وطلعت على السطح وأختي كانت مستنياني فوق عشان نكمل باقي الخطه وولعت ف أول ورقة وأختي بقت تجبلي الورق لحد ما الموضوع كبر أوي وأنا وأختي خفنا ووافقنا مرعوبين والنار عماله تكبر وتكبر لحد ما الجيران بدأوا يأخدوا بالهم ان في دخان جاي من عندنا على السطح قالوا لماما طلعت تجري هيه والجيران ويطفوا الحريقة وأخدت يومها علقه سخنه لأني انا اللي سرقت الكبريت شريره انا مش كده ؟

ثانيا : كنت مسافره قريب القاهره وانا أصلا مش بسافر كتير(فيها حاجه دي ) فحجزت قطر مكيف أنا أصلا مش بركب القطر كتير فركبت القطر غلط وما ركبتش المكيف بتاعي أتقهرت أوي وسألت الناس مش ده المكيف طبعا ضحكوا عليا لكن نزلت ف نص الطريق وأستنيت المكيف وركبته لازم أخد حقي طبعا وصلت مرتاحه جدا وطبعا ما حكيتش لحد لما رجعت البيت أصل أنا كنت لوحدي ولما وصلت المحطه لقيت الناس بتنزل مش عارفه دي آخر محطه ولا لأ ومش عاوزه أسأل عشان محدش يضحك عليا قلت أنزل وأمري لله بالذات إن كل اللي ف القطر نزلوا لقيت خير اللهم أجعله خير طريق طويل ما أرتحتش غير لما لقيت يفطه كبيره مكتوب عليها القاهره قلت أكيد انا ف رمسيس ووصلت بسلامة الله ودي كانت أخر مره هسافر فيها لوحدي

ثالثا : كنت ف مره ف الكليه في يوم من أيام المشروع وكليتي الحمد لله في مكان مقطوع للي ميعرفهاش في طنطا وفي اليوم ده بالذات تقريبا المجموعة بتاعت المشروع أتفقوا على انهم يريحوا اليوم ده المهم وصلت الكليه ومالقيتش حد أتصلت بيهم هزئتهم ليه محدش عبرني وقالي أتاريهم نسيوني أصل عددنا كبير ف المشروع والمشروع كان كبير المهم قررت أروح والمكان فاضي ومفيش مواصلات ماإحنا ف أجازه بقى حطيت أيدي على خدي وقعدت على كنبه صغيره كده بس بقيت مرعوبة وبصراحه قلت لنفسي أذكري ربنا لعل وعسى ربنا يفك كربي سبحان الله والله ذي ما يكون ربنا بعتلي الأتوبيس وإيه أتوبيس خاص بإشتراك والسواق لما لاقني قاعده زعلانه كده قالي تعالي يابنتي أوصلك بيني وبينكم بردوه أنا خفت وأترعبت لكن أطمنت ان كان في طلبه راكبين ووصلني الحمد لله وبقيت بدعيله طول السكه ربنا يكرمه يارب في سري طبعا

رابعا : مره كنت راجعه من الدرس ف الثانويه العامه والدنيا كانت بتشتي وقبل بيتي بكام شارع كده رغم إن الناس كانت ماشيه ف الشارع عادي لكن انا حسيت إن في حد ماشي ورايا وأنا مرعوبه لدرجه اني خايفه أبص ورايا وفضلت أسرع الخطوات وأمشي بسرعه وحاسه بردوه إن في حد ماشي ورايا لحد ما وصلت البيت وأول ما وصلت بدأت أبص ورايا ما لقيتش حد مش عارفه كان وهم ولا حقيقه الله أعلم

خامسا : مره كنت راجعه من الكليه وبعدين عديت على محل مرايات ف الشارع وانا في طريقي للبيت وشوفت وشي في مرايا من المرايات دي بس مأخدتش بالي إن دي تبقى أنا وبعد ما عديت بقول لنفسي هوه انا شوفت البنت دي فين قبل كده وقعدت أفتكر لحد ما أخدت بالي ان ده محل مرايات وان اللي شوفتها دي هيه أنا وصلت البيت أضحك على نفسي

آه ياني كان لازم تدبسني ف التاج ده يا أحمد فكرتني بالذي مضى

الله يسامحك بقى

وأنا بدوري هدبس التاج ده لكل الناس

وعاوزه حد ما يردش

أما نشوف كده

تاج

التاج ده أنا جاوبته قبل كده وكان عندي مشكله هنا بس الحمد لله خلاص هقدر أنزله

س: اية اللي حيحصل لايميلك لما تموت ؟
يارب إجعل يومي قبل يوم إيميلي
ضل ايميل ولا ضل حيطه أهوه بيسليني على الأقل

س: اديت الباس وورد لحد قبل كده؟
لا أديته لحد قبل كده ولا بعد كده

س: لو اه كانت طبيعة علاقتك بيه اية؟
ماليش اي علاقة بحد يا باشا أنا تنظيم مغلق على نفسه

س : اسمك؟
شيرمن

س: اسم الدلع المشهور وسط اصحابك؟
شوشو

س:عمرك ؟

25

س : برجك؟
ليه الإحراج ده

أمتنع عن الإجابه لأن السؤال لا يفيد ف القضية

س : مجال دراستك؟
مهندسة كهرباء ومخي لاسع 240 فولت يعني إحذروا مني ممكن أكهرب أي حد في طريقي

س : شخصيتك نوعها ايه؟
هستيرية عصبية ممطرة صيفا متلجة شتاء يهب عليها الكثير من العواصف الرملية في الخريف تهدأ ف الربيع

شخصيه عاديه جداا

س : المود بتاعك؟
ايه الأسئلة دي مود مازيل من فضلك

س: وقت فراغك بتعمل فيه ايه؟
بقعد ف البيت أدام الكمبيوتر بتاعي وأنسى العالم اللي حواليا

س: الاكلة المفضلة؟
البيتزا
والمكرونة بالبشاميل

س:الصفات اللي اخدتها من بابا؟
الطول - الإبتسامة الحلوة - اللون الخمري - الحياة المنضبطة - الأكل بالشوكة والسكينة - التصرف بجنتله

س:الصفات اللي اخدتها من ماما؟
الحنية - الرومانسية - ا لحساسية ومحدش يضحك دي مش معناها الهرش
الطيبة بس دلوقتي بقيت أحيانا شريرة

س: اكتر6حاجات بتكرهها؟
الانتظار
الكذب
الخيانة
المجاملات
اللوع
البخل ودي أهم حاجه بكرهها

س:اكتر 6 حاجات بتحبها؟
الصلاة
قراءة القرآن
أهلي
الجلوس أمام الكمبيوتر ساعات طويلة
النوم بعشقه عشق
البيتزا

س:الشغل بالنسبة لك ايه؟
ولا حاجه لأني مش بشتغل

س: السفر؟
بعشق السفر لكن بخاف منه

س: هل لديك اقوال اخري؟
لا يا أفندم شكرا

لكن بمرر التاج ده لجرووم بالذات

ولعبدالله