إمتحان ثانوية
بلد بتاعت شهادات صحيح
وزارة هنديك بالشبشب
أختبار اللغة العربية
ان شاء الله هنشوفك السنة الجاية يا باشا
وقت الاجابة : خلص نفسك و اجري
وقت الاجابة : خلص نفسك و اجري
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
هذا الامتحان برعاية بيبسي كولا دلوقتي ... بيبسي الصاروخ بجنيه واحد بس
هتفضل تغلى
لغاية ماتبطلها ---- وراك وراك
=========================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة سبعة أسئلة
ملاحظة: عجلة الجاذبية 9.8 ( في حالة انك حبيت تنط من الشباك )يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))؟
=======================
السؤال الأول
20
درجة
==============
قال ريكو في أغنية (( خلي الشعب يعيش )) مايلي
راحت عليكي الدنيا ... وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
===============================
أجب عما يلي
اشرح الآبيات الاربعة الاخيرة من النص بما لا يقل عن 90 سطرا باختصار شديد
لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟
استخرج من البيت الاول محسن ابراهيم و محسن اسماعيل مبيناً نوع كل محسن منهما
لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟
استخرج من البيت الاول محسن ابراهيم و محسن اسماعيل مبيناً نوع كل محسن منهما
استخرج من البيت الثالث صورتين فوريتين مبينا نوع الكاميرا
=================================
مساحة خالية
للإعلان- ت : واحد اتنين .. الجيش العربي فين
===================================
السؤال الثاني
8
درجات
==================
أعط أسباب ما يلي مع شرح وافي :(( ياعم كبر يا عم بص .. ده حتى بص ده الواد بيلظ )) ؟
=========================
تم نقل السوق المالي إلى سوق السمك ؟
إقبال الناس الى شراء نوكيا 9990 و عدم شراء نوكيا 9900 ؟
إغلاق شبكة الأخبار
إغلاق شبكة الأخبار
PNN
بعد زواج شارون ستون؟
أسباب اندلاع الحرب بين ..... ما فيش فرق
اختر أي حرب، ماهو انت هتعيد كده كده ؟
============================
أخي الممتحن أقلب الصفحة: والله لتندم على الساعة اللي دخلت فيها المدرسة
==================
السؤال الثالث إختياري
اكتب الاسم المستوفى من السؤال
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم 125986؟
ورد ذكر اسم هذا الرجل في اكثر من مسلسل تليفزيوني
=================================================
فاصل إعلاني: غمض عين فتح عين .... اشتري بيتزا تاخد اتنين
(( هذا العرض ساري حتى نهاية الوقت المحدد للإمتحان ))
=========================
السؤال الرابع
8
درجات
==============
ورد في قناة
روتانا فيديو كليب " ليلي نهاري " للمخرج كاميرون كايسي و غناء عمرو دياب :" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله جنبك حياتي دي اجمل حياة
الأسئلة
===================
ماذا كان يريد ان يقول عمرو دياب للمزة ؟ ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ ما اسم صبي الخياط بتاع ام الموديل اللي كانت مع عمرو في الكليب ؟
====================
السؤال الخامس
20
درجة
=============
موضوع تعبير
-----------------
قال أحدهم: حسن زعبولا .. ماشي بيتسالا .. محندق الجاكيته و بيتعايق بالفلة
أكتب نبذه عن حياة ابو حسن زعبولا 
14 comments:
هاهاهاهاهاها
والله ضحكت من قلبي صباح الاسئلة و صباح الاجابات
ربنا يكرمك ويبسطك
تحياتي لك من ماناساس البلد
تخيلي اول مرة احمد ربنا اني خلصت تعليم
ده كبعا امتحان اقدرات فنون و عمارة عشان اللى عايزين يدخلوا كلية التربية الموسيقية
؟؟؟
صححححح؟
صحححححححح؟؟
اصلا انا عارفة انى صح
ابقى تعالى :))
Regards:
lojain :)
علشان بس يعرفو ان التعليم مش بالساهل
هو كل من هب ودب هياخد شهاده ولا ايه
:))))
حلوه او يا شيرى
تحياتى
يا نهار أبيييييض :) طيب الحمد لله إننا عدينا من امتحان الثانوية العامة بتاعنا ...ده كده الامتحان بتاعنا كان أسهل كتير...وكنا وقتها زعلانين من وزير التعليم ...ده بالمنظر ده الرجل كان رحمة :)
أيواااااان
الإمتحانات هتبتدي 19/5 من هنا
و انتوا هتشتغلوا علينا من الناحية التانية
طب قاعدلكوا في الفضاء البلوجري يا شوية عالم ما عندهاش إحساس
أما نشوف مين هيتكلم كلمة تاني عن الإمتحانات
ناقصاكوا أصلها
يللا كل واحد وشه في ورق... قصدي في بلوجه و مش عايز أسمع كلام من ده تاني
اللي عايز يكتب يفتكرلنا حاجة حلوة و النبي
أنا عايز أعيط
مش تحياتي المرة دي
كل ما يمكن ان اعلق به هو
ان اضحك كثيرا عاليا قويا
تحياتي
يخرب عقلك الأسئلة روعة والأمتحان ولا أروع هههه ذكرتيني بأيام امتحاناتي بالمدرسة
تعرفي احنى عندنا واحد من امانة التعليم بنسميه الفزاعة لانو بيجي فجأة بالفصل وبينط نطة وحدة وبيدخل وبيوقف اي حد يجي على بالو عشان يعملوا تفتيش ولو حصل عندوا شوي حجابات يبى يصوروا ويطلعو بالتلفزيون ويكتب عنو غشااااااااااش تصوري
هههههههههه مرة كبسني وانا محجبة باخر يوم بس سترها ربنا وعمل نفسو أعمى
موضوع يجنننننننننننن
ضحكتيني بجد وغيرتيلي جوي
ههههههههه
طب تصدقى ان الامتحانات دى ارحم من الثانوية العامة
المفروض فعلا يلغوا التعليم فى مصر عشان بجد اللى بيحصل فى البلد دى مهزلة
ربنا يستر علينا
خلاص انا داخل امتحانات بعد كام يوم
هادعيللك
The Groom
ربنا يبسطك كمان
وصباح الامتحانات
----------------------
sendbad
الحمد لله
خلصنا بكسر اللام
وخلصنا بفتح الخاء
ده كان هم
--------------------
LOJAIN
هو أكيد امتحان قدرات
بس للي بيسمع
عشان كلية التربية الموسيقية
تحياتي
--------------------
REEMOO
صحيح كل من هب ودب هيأخد شهادة
معئنها ما بقتش تجيب تمنها
خير إن شاء الله
تحياتي
-------------------
Just a Reader
أه طبعا اترحمنا جدا
بقى دي امتحانات
تحياتي
---------------------
محمد فوزي آل ربيع
معلش يا محمد
انت زعلت
والله مش قصدي
ربنا ينجحك
تحياتي
----------------------
Ahmed taher
أضحك محدش واخد منها حاجه
تحياتي
-----------------
linda
الحمد لله انك ضحكتي
يارب دايما
تحياتي لمرورك
----------------
جـيـداء
يارب يستر يارب
بس انا مش بتكلم ف السياسة
مهذلة مش مهذلة
أنا ماليش دعوه يا سعادة الباشا
تحياتي
--------------------
أحمد العربي
انا خلصت امتحانات من زماان يا احمد
انا اللي هدعيلك
ربنا ينجحك
تحياتي
انا مررت لك تاج
بالهنا و الشفا و ادعيلى
جميل اوى ومضحك اوى
ههههههههههههههههههههه بصراحة انا لو دخلت الامتحان ده هجيب الدرجة النهائية وهطلع من الاوئل
تحياتي لك والى الامام
بس ازاي هنتقدم خطوة للامام وهما اصلا جيبنا مليون خطوة للوراء
Post a Comment