come to my Fantastic World

Graphic post

Shermen-imagaination
Shermen-imagaination

ألا بذكر الله تطمئن القلوب

اللهم ارزقنا بألف القرآن أُلفة.. وبالباء بركة.. وبالتاء توبة.. وبالثاء ثوابا.. وبالجيم جمالا.. وبالحاء حكمة.. وبالخاء خُلة.. وبالدال دواء.. وبالذال ذكرا.. وبالراء رحمة.. وبالزاي زلفة.. وبالسين سناء.. وبالشين شفاء.. وبالصاد صدقا.. وبالضاد ضياء.. وبالعين علما.. وبالغين غنى.. وبالفاء فهما.. وبالقاف قوة.. وبالكاف كفاية.. وباللام لطفا.. وبالميم ملكا.. وبالنون نصرا.. وبالواو وقاية.. وبالهاء هداية.. وبالياء يقينا.. برحمتك يا أرحم الراحمين

Sunday, April 8, 2007

ركز في الصلاة


استغفـر الله العظيـم

إستووا.. إعتدلوا.. إستقيموا يرحمكم الله
الله أكبر..

أحمد ركز بأه في الصلاة وبلاش تسرح، طيب


هو الراجل اللي جنبي ده صوابع رجليه عاملة كده ليه؟

صباعه الكبير ده كبير

آه بمناسبة الصوابع هي صوابع زينب دي اللي هيا إيه؟

بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه



الله أكبر


أحمد ركز يا أحمد، طيب ماأنا مركز

مركز إيه طيب إنت قريت سورة إيه؟

أنا قريت سورة اللهب شفت بأه أنا مركز إزاي؟

لألأ دي كانت سورة الفيل


سمع الله لمن حمده

ربنا ولك الحمد، أنا

بس مش عارف أفطر إيه النهاردة؟

آه المطعم الجديد اللي كانوا بيتكلموا عنه

بيقولوا عليه أكله حلو، بس هو في شارع إيه؟


لما أخلّص الصلاة أتصل بالتليفون أعرف العنوان
الله أكبر

هيا الساعة كام دلوقتي؟

زمانها أربعة وخمسة، على فكرة هيا الساعة التانية الجلد كنت حطيتها فين؟

ياإما في الدرج ياإما في

دولاب ايه بس يا أحمد ركز ياأحمد إنت

أستغفر الله


الله اكبر

أهوه أنا مركز أهوه، إنظر لمكان السجود وركز في الأيات اللي بيقولها الإمام
الله أكبر

الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ شفت أهوه إنت رجعت تسرح تاني



الله أكبر

هو إحنا في الركعة الكام؟

يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد
الله أكبر

أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم
الله أكبر

السجادة دي مريحة ولونها حلو، هيا سجادة ولا

لاموكيت بنسيج

آه على فكرة إبقى إفتكر تكنس السجادة اللي في البيت بالمكنسة

بس لازم أنضف كيس المكنسة عشان بقالي مده مانضفتوش
الله أكبر

الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا


أستغفر الله
الله أكبر


فيه صوت موبايل، الناس دي ليه مش بتقفل الموبايل ساعة الصلاة مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل


الله أكبر

الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك
السلام عليكم ورحمة الله

السلام عليكم ورحمة الله

إيه هيا الصلاة خلصت ؟
السلام عليكم ورحمة الله
السلام عليكم ورحمة الله





أستغفر الله العظيم
لا اله الا الله الحليم الكريم

لا اله الا الله العلى العظيم

لا اله الا الله رب السماوات السبع ورب العرش العظيم

إلـــــــــــــــــهي لا تغضب علي فلست أقوى على غضبك

و لا تسخط علي فلست أقوم لسخطك

22 comments:

محمد عبد الغفار said...

قرأتها قبل ذلك عند احمد شقير

Anonymous said...

كل بوستاتك افكارها بالصراحة جامده...و عموما مفيش حد مبيسرحش في صلاته..و الصلاة انواع منها المحاهد لنفسه و هي البيحاول يركز على اد ميقدر و له الاجر انشاء الله....و الحمد لله انه قال "الذين هم في صلاتهم ساهون" وليس عن صلاتهم ساهون


انا مرة في صلاة الجمعة ساعت الخطبة كنت مركز مع واحد كدة شكله غريب و كنت طول الوقت عاوز اعرف ده مسلم ولا مسيحي :) شوفتي الشيطان بأه

Eric Matt said...


الاستعاذة بالله من الشيطان الرجيم

واعادة الصلاة

وربنا يهدي يا رب

تحياتي من ماناساس البلد

shermen said...

ماهوه مش أنا اللي كتباها يا محمد أنا قلت افكر الناس وبعدين فكرتها عجبتني جدا وهيه واقعية
والعفو على تغيير الوورد فيريفيكيشن
تحياتي
---------------------
يعني معاكم ف الجامع وشاكك فيه ولا أنت شوفته بره الجامع
عموما شكرا لتعليقك
تحياتي
---------------------
صح يا جروم المفروض نستعيذ بالله من الشيطان ونعيد الصلاة
بس أنا بيحصلي حاجه غريبة بنسى أنا ف الركعة رقم كام بتجنن
تحياتي

Anonymous said...

كلنا هذا الأحمد للأسف يا شرمين.. بس بجد بجد جزاكي الله خيرا على التذكرة.

Amr Ahmed said...

ده بوست احمد شقير صح

المفروض تشيري الي صاحب البوست

وانه منقول

تحياتي

shermen said...

Amr Ahmed
أنا معرفش مين احمد شقير ده
ولا أخدته من عنده عشان أستشيره إذا كنت أنشره ولا لأ
الموضوع لقيته فنشرته وأظن إني ما نسبتوش ليا لكن عشان معرفش بتاع مين ما كتبتش وكان كل اللي يهمني إن الناس تستفيد وبس
شكرا

Just a Reader said...

SA...
Jazaki Allah .7ayran 3la el post di. el sar7an fel salah 7aga warda sub7an Allah. I heard once en el Rasol (PBUH) 2al le saydna Ali ibn abi taleb enolaw masra7sh fel salah haydeeh 3baya men bto3o, fa sayedona Ali sar7 hya.7od anhy lon men el alwan! sub7an Allah.
Here are some ways lel tarkeez fel salah:
1- En el ensan 2bl ma ybda2 el salah ysta3ed we y7es eno wa2ef 2odam Rabna.
2- el nazr le mawde3 el sogod.
3- Rabt el .7sho3 b2ay 7arka fel salah, zay el nzar le mawde3 el sogod maslan, fa kol ma el ensan ysra7 we ybos le mawd3 el sogod hyftker el .7osho3 3altool.

Takabal Allah menna game3an ISA.

Reemo said...

بصراحه الواحد طول ماهو بيصلى الشيطان بيقعد يوسوسله بطريقه صعبه اوى
الهم اعوذ بك من الشيطان الرجيم
بوست حلو يا شيرى

Anonymous said...

مين قال انك تعيد الصلاة!! لأ المفروض لو شاكك انك صليت ركعات اقل تأتي بالزيادة و سجد سجدتين سهو...لأنك او علطول بتسرح يبقى كدة هتعد كل مرة تعيد...و يارب اجعلنا من المتقين ...لأ يا شيرمين كان قاعد قدامي..مش بقولك الشيطان بأه

Shower-Mirror said...

على فكره انا سمعت سريط الخشوع فى الصلاه لعمرو خالد .. و فرق معايا كتير قوى فى التركيز ...

و حاجه كمان ممكن تنفع فى الخشوع .. نصيحه قالهالى واحد ابن حلال الله يباركلوا :

قالى كل فتره احفظ ايات جديده من القران ... ساعتها هاتلاقى نفسك مركز قوى لانك كسرت الملل .

اللى بيخلينا نسرح هو الملل من قراءة نفس السورتين تلاته اللى حافظينهم فتتحول الصلاه الى عمل روتينى .

و بكده نبقى ضربنا عصفورين بحجر : حفظنا ايات زياده و ركزنا فى الصلاه ..

اللهم اعنى على نفسى و احمينى منها

اللهم انك تعلم اننا لن نحتمل نارك و اننا لا نستحق جنتك ...فلا يتبقى لنا الا رحمتك فارحمنا ياكريم ... امين


الف شكر ...بوست جميل ...مستنيكى تيجى عندى

و بعدين انا مش كل ماكتب بوست هالف عليكوا واحد واحد كده ...الله ...ماتيجوا علطول و تريحونى

shermen said...

حلوة أوي فكرة حفظ آيات جديدة من القرآن فعلا هتفرق كتير أوي جزاك الله خيرا على انك نبهتنا لكده
------
اللهم انك تعلم اننا لن نحتمل نارك و اننا لا نستحق جنتك ...فلا يتبقى لنا الا رحمتك فارحمنا ياكريم ... امين

آمين يارب العالمين
-----------
حاضر يا ميرو من غير ما تلف أنا هآجي وأعلق وأقولك رأيي

shermen said...

A Human Being
جزاك الله خيرا على الكلام الجميل ده
وتقريبا أنا قريت نفس القصة دي لكن مش متذكراها أوي

تقبل الله منا جميعا

shermen said...

REEMOO
إنتي عارفه إن في شيطان مخصوص للصلاة وإسمه خنزب أعوذ بالله منه
على فكره في دعا جميل أوي هضيفه على الموضوع بالذات عشان الوسواس

-------------
يعقوب
معاك حق سجدتين السهو دول مهمين أوي لأننا مش كل مرة هنعيد الصلاة وأحيانا الواحد بيحس أنه صلى ركعات زيادة
اللهم إنا نعوذ بك من همزات الشياطين وأعوذ بك رب أن يحضرون

shermen said...

يعقوب
ليه خلص الكلام ؟؟؟
أكيد دي فترة خمول وهتعدي
وليه لغيت التعليقات الموضوع مش مستاهل
أنا وناس كتير متابعينك
وكلنا بيجيلنا الحالات دي
مش معناه إن إحنا نوقف كتابة لا أكتب كل اللي جواك حتى لو ماعجبش حد المهم إنك خرجت الكلام اللي انت حاسس بيه
أنا كمان من فترة مضايقة ومكتئبة لكن مش معناه إني ما أكتبش ولو ملاحظ من مدة مش بكتب بإيدي بكتب تاجات وأجيب أخبار فترة وأكيد هتعدي
ولا دي عشان تغيير الفصول

الراقـــص مع الذئـــــاب said...

موضوع جميل ولا يكاد يفارق اي مسلم
هذا الشيطان المخصص للوسوسة اسمه حنزب...وهناك ايضا شيطان يوسوس في الوضوء...اسمه الولهان
اللهم انا نعوذ بك من همزات الشياطين ونعوذ بك ربنا ان يحضرون

الخشوع في الصلاة ياتي بالتدريب....وتدبر ايات الله المقروءة منك او من الامام

اللهم ارزقنا الخشوع في الصلاة ...اللهم ارزقنا صلاة تقبلها منا يارب العالمين

جزاكي الله خيرا اختنا الكريمة علي هذا الموضوع الرائع

دمتي في خير

saher said...

يا سلام يا شيرمين جزاك الله خيرا -- موضوع جميل أوى -- مش مهم تكونى كاتباه المهم إننا كلنا إستفدنا منه أنا عن نفسى مبدأى كدة -- و فكرة حفظ آيات جديدة فكرة عظيمة ياشاور ميرور هوة دة الحل فعلا -- جزاكم جميعا الله خيرا و جمعنا فى جنة الخلد إن شاء الله

Amr Ahmed said...

مساء الخير


انتي شكلك زعلتي
انا مكنش قصدي اضايقك
بس حبيت اقوللك
لان فعلا ده موضوع شقير

واتنشر في مجموعة طارق فاروق البريدية

انا قصدي المفروض انك تكتبي انه منقول
لان ده حق صاحبه

لان كده اللي داخل يعلق
فاكر انك اللي كاتباه
صح ولا لا
مش مشكلة اننا ننقل
بس لازم نشير للمصدر
للامانة بس

وفي الاخر انتي حرة في مدونتك
اتمني مكونش ضايقتك

تحياتي

Anonymous said...

بالنسبة لي هو اصلا خلصان من زمان بس أنا قلت اجرب...عموما متخفيش ده مش عشان تغير الفصول ولا حاجة ولا بتأثر فيا الحجات ده..بس انا كدة مستريح جدا

safa7_karmooz said...

جميل البوست...وفعلا ده اللى بيحصل لسبب ...ان الخشوع مش موجود بالدرجة اللى تخلينا ننفصل عن العالم واللى حوالينا

وكمان الدنيا لحستنا زيادة عن اللزوم ..:)

محمد عبد الغفار said...

بما انك لم تكتبيها فكان يلزم التنويه

An Author said...

شر البلية ما يضحك و الله
الواحد ساعات غصب عنه بيعمل كدة


Powered By Blogger