ياموج البحر طهرنى
وشيلنى لفوق وطيرنى
وإذا نسيت قسوة الأيام
تعال أصرخ وفكرنى
ياموج البحر خد همى
ووشوش للصدف همى
وزيد لما يزيد ظلمى
وأوعى فى يوم تغيرنى
ياموج البحر ليا حبيب
تغيب الشمس لما يغيب
وقلبى زى قلبه حليب
وتحلا الدنيا لو زارنى
ياموج أنا جاى أشكيلك
باعرى نفسى وأحكيلك
وليه تلسع قناديلك
وفوق صخرك تعورنى
ياموج البحر ياعايم
بتضحك ليه وتتقايم
ماحدش فى الحياة دايم
مصيرك شوفته نورنى
ياموج البحر طهرني
2 comments:
يا موج البحر طهرني
تعالى اغسل حزني وألمي
خليني أنسى غربتي وندمي
أنصحك تسمعي أغنية كان صديقي لكاظم الساهر
كتبت أنا البقين دولا و أنا بسمعها :)
سلااااام
حلوين البقين دول وهسمع الاغنية
Post a Comment